影片
更多
2023-10-29
33 浏览
今日去咗启岸商场揾嘢食，呢个商场嘅装修真系又靓又高档！嚟到呢间Still，系一间西日Fusion嘅餐厅，入到去，先有两杯Welcoming drink，系万圣节主题嘅Bloody Mary，辣辣哋咁又几过瘾！同埋有木鱼蒜粒渍物做个前菜，味道浓郁！我哋就叫咗个「二人晚市套餐」（$698），可以拣三款Tapas、一款Main同一款甜品，我第一款Tapas系「招牌生牛肉他他」，牛肉他他好聪明咁加咗洋葱粒同青瓜粒，令本身已经好鲜甜嘅牛肉，再添上咗一啲嘅甜味同口感，个感觉就更加fresh！而餐厅仲有好多种自家制嘅包，最plain嘅软法包最衬他他，略带微甜，可以突出他他嘅香味，另外佢哋仲有橙皮面包同酸种面包，两种包都各有特色，就咁食都觉得好好味，令我更加钟意呢个他他！另一款叫咗「香烤胡椒蟹肉饼」，呢款我都好钟意，蟹肉饼有满满嘅肉丝，咬落外脆内软，入面非常绵滑，加上食食吓又有啲胡椒味走出嚟，上面又淋咗啲蟹膏酱，味道十分丰富，亦都好有诚意。最后一款系「啤酒蒜片虾」，呢款比我有啲中式嘅感觉，啤酒汁做底，上面系有啲避风塘风味嘅蒜片、辣椒丝，捞埋啲虾嚟食，咸香味突出，都几惹味。主食我哋就叫咗「招牌西班牙海鲜
嚟到呢间Still，系一间西日Fusion嘅餐厅，
入到去，先有两杯Welcoming drink，
系万圣节主题嘅Bloody Mary，辣辣哋咁又几过瘾！
同埋有木鱼蒜粒渍物做个前菜，味道浓郁！
我哋就叫咗个「二人晚市套餐」（$698），
可以拣三款Tapas、一款Main同一款甜品，
我第一款Tapas系「招牌生牛肉他他」，
牛肉他他好聪明咁加咗洋葱粒同青瓜粒，
令本身已经好鲜甜嘅牛肉，再添上咗一啲嘅甜味同口感，
个感觉就更加fresh！
而餐厅仲有好多种自家制嘅包，最plain嘅软法包最衬他他，
略带微甜，可以突出他他嘅香味，
另外佢哋仲有橙皮面包同酸种面包，两种包都各有特色，
就咁食都觉得好好味，令我更加钟意呢个他他！
另一款叫咗「香烤胡椒蟹肉饼」，
呢款我都好钟意，蟹肉饼有满满嘅肉丝，咬落外脆内软，
入面非常绵滑，加上食食吓又有啲胡椒味走出嚟，
上面又淋咗啲蟹膏酱，味道十分丰富，
亦都好有诚意。
最后一款系「啤酒蒜片虾」，
呢款比我有啲中式嘅感觉，啤酒汁做底，
上面系有啲避风塘风味嘅蒜片、辣椒丝，捞埋啲虾嚟食，
咸香味突出，都几惹味。
主食我哋就叫咗「招牌西班牙海鲜炒饭」，
饭底偏淋身，有好浓重嘅茄香味，食落口感较Creamy，
其上嘅海鲜真系好足料，除咗有常见嘅鱿鱼圈外，
特别欣赏餐厅加咗一啲日本元素，有三文鱼籽同炙烧左口鱼边，
三文鱼籽令个饭多咗种另类嘅风味，成件事会refreshing咗好多，
而左口鱼边入口即溶，油脂味重，估唔到又同个饭几夹！
炒饭份量都多，两个人Share食都好够！
甜品就试咗「烟韧之选」，
有两款蕨饼，一款系配黄豆粉，另一款系配绿茶粉，
软糯嘅蕨饼加上好香嘅调味粉，有种甜甜嘅幸福感。
另外一款热辣辣嘅系有西班牙油条之称嘅小吉拿棒，
咬落蛋香味十足，配上朱古力酱，邪恶得嚟又超级好食。
餐饮第二杯免费，我哋就叫咗一杯「招牌西班牙水果茶」（$58）、一杯「鲜奶咖啡」（$45），
水果茶有多种水果嘅风味搭配，饮到嘅有香橙、苹果、蓝莓等等，十分鲜美；
咖啡就较浓，有啲焦香嘅风味，个杯都好靓！
最后店员仲送多咗两块曲奇比我哋试吓，好可爱！
张贴
