Aurora Fusion Restaurant (已結業)

Lunch menu一页系西餐，另一页系日本菜。额外询问左有冇单点同小食menu，系有的，但店员话未必提供到入面的全部食物。今次focus食西餐，叫左两个set同一个小食。-澳洲肉眼牛扒$98原本系叫七成，可能系因为外面已经煎得刚刚好，唔想overcook左，切开大概五成。外层煎得好香口，入面肉质都好软淋，呢个程度保留左少少raw嘅味道。扒餐跟薯角仲有少少意粉，薯角好食，外脆内里包满。-龙虾汁菠菜蟹肉阔条面$98味道多元，有龙虾汁，有菠菜蟹肉做配料，仲加左蟹籽。不过觉得阔条面煮得有少少过软，本身菠菜食落已经够淋，如果条面都软，食落就缺少左口感。-三重芝士辣肉肠焗薯条$108呢个叫左系几后悔，因为扒餐已经有好多薯角🤣。整体食落系几咸，薯条本身都落盐，又选用左较浓味嘅芝士，再加埋辣肉肠本身就系咸。呢个真系太heavy，而且食到几条空心薯条，所以觉得麻麻地。-两份lunch set表现都还可的，个餐汤饮落仲好足料，价钱亦都fair。直觉佢日本野应该系更高水准。