犀牛廚房 (裝修中)

呢间位于西湾河圣十字径青协地下由社企开办嘅餐厅，外表同内里装修都系打文青风格，每次经过都想入去试。终于昨日的起心肝约妈妈同埋我先生一齐去试下。 我地三个人，我先生叫左个叫左油封鸭脾烩意粉，我妈妈就叫左个(半只)烧春鸡伴粗薯条，而我自己就叫左个凯撒沙律再另外加甜品-雪糕苹果批。我妈妈既烧春鸡其实个味调较得唔错，可惜只春鸡因为系雪鸡关系，所以D肉既质口感真系颇「霉」，好一般。而我先生既油封鸭脾虽然香，但因为应该都系急冻肉既关系，肉质都喺一般般，反而佢个意粉就更有质感。而我既凯撒三文鱼沙律够清新，份量亦唔少。另外叫左个苹果批配苹果肉同云尼拿雪糕，唔太甜，算系几好味。3个人4样野食连加一埋单350蚊，我觉得虽然野食质数不过不失，但因为餐厅内里装修系鲜明干净同走文青风格，店员服务亦不错，所以我觉得整体来说用餐体验算系唔错，我都觉得值得一试。