幸福鍋 (已結業)

幸福锅琴日去咗西湾河太安楼食野，太安楼出名多野食系人都知，但我发现太安楼好多一条条柱阻住轮椅人士进入，等我迟d一次过投诉，等申诉专员公署调查完成之后，我就会一次过用电话投诉！讲返幸福锅餐厅先，问人先知要过咗油站转右先见到，餐厅门口有一级，又系出动我块板嘅时候！入到餐厅都算宽落，环境舒服，店员帮我揾咗近门口嘅座位比我坐，餐厅大约有30个位比人坐，下午茶时段好爆场，香港人除咗睇好唔好食，第二一定睇平唔平，性价比高唔高，我觉得呢间餐厅性价比算好高！1. 麻辣什锦牛肉锅（小辣）配 白饭$98+古早仙草三色芋圆$22（9/10）呢个麻辣什锦牛肉锅都几麻辣，辣过其他餐厅嘅小辣，呢个小辣等于出面中辣，呢个锅入面有娃娃菜、牛肉片、猪肉水饺、花枝丸、鸭血、沙白、米血糕、大肠、韭菜、金菇、炸支竹、鸣门卷、青豆角同粉丝，份量超多！锅有粉丝搞到我食唔哂一碗白饭，我可以话足够2人一齐食！跟餐可以加$22配古早仙草三色芋圆糖水，呢碗芋圆糖水入面有红豆、仙草同三色芋圆，三色芋圆每色各4粒，份量超多，又唔甜，劲好味！😋😋😋2. 花雕鸡卷麻辣拌面$42+黑糖珍珠奶茶$8（9/10）呢个麻辣拌面都几麻辣，拌面上面仲有少少