鮨玥 (已結業)

就算系平日，只要工作压力大，都想好好慰劳自己。今日就去咗西湾河海边食日本嘢。朋友一呢就叫咗两杯生啤减减压～我哋叫咗苹果汁，都好适合配海鲜。首先叫嘅有特大北海道厚岸蚝，果然真系有咁上下分量，有半只手掌咁大，而且好好肉地，唔需要调味都咸咸地，重海水味。然后系本鲔寿司盛，有三款唔同嘅吞拿鱼，本鲔赤身吞拿鱼肉质结实，中本鲔鱼腩则脂肪分布均匀，留到最后食嘅大本鲔鱼腩油脂感浓厚，入口即溶，绝对系高享受。之后叫咗热食日本花鱼一夜干，言下之意，就系用盐水浸泡、一夜风干嘅方法腌制，唔需要点豉油都已经好入味，花鱼烧得啱啱好，外脆内滑，虽然调味已经恰到好处，但系餐厅都另外准备咗碟味道偏淡嘅酱油带出更多风味。然后嚟嘅系生烧白鳝，烧得非常之有技巧，鱼皮非常之脆，同时白鳝嘅肉亦都keep到好弹牙。主食方面，我哋就叫咗海三色丼同角切海鲜丼。三文鱼好新鲜，而且三文鱼味突出，油甘鱼就够肥美。角切海鲜丼用料同三色当差唔多，但系别有口感，牌招牌系玉子烧嚟，食落少少甜。