幸福鍋 (已結業)

呢晚6.30去西湾河同朋友饭聚地点系太安楼地嘅台式小锅「 幸福锅 」虽然地址系太安楼地下但佢系面向鲤景湾𠮶边街，唔会咁杂乱而且装潢明亮舒适( 呢张相系6.30影，隔15分钟已经坐满晒人～ ) 睇睇餐牌，我觉得佢系炮台山间花莲嘅姊妹店，因为内容及价钱全一样～咁就岩啦，我中意食佢个锅～ 《 C83 台式香浓沙茶锅 💲118 》配薯粉/白饭/粉丝臭臭锅有4款，得呢款唔辣，沙茶都几香浓惹味～望睇细细锅，但其实都多料：娃娃菜、牛肉片、米血糕、牛丸、沙白、粟米、金菇、炸支竹、鸣门卷、花枝丸、韭菜、蕃茄、青豆角～米血糕几好食，唔腥又软糯，粉丝同薯粉吸汁好味～牛丸好爽弹有汁～《 C05 红烧牛三宝手工面 💲84 》汤底香浓，有牛肉、牛筋、牛肚～牛肉几稔，牛筋都软，但牛肚好韧～ 《 C10 慢煮乌醋猪软骨配手工面 💲68 》猪软骨十分嫩稔，有溶化嘅口感，而且味道带醋酸几好味～汤中仲有酸菜提味～ 加配 < 冻古早冬瓜茶 +💲8 >加配 < 芋香珍珠奶茶 +💲12 >加配 < 冷泡阿里山乌龙 +💲8 >呢间服务几好，会主动加汤，职员又有礼友善。