影片
更多
2016-09-21
4031 浏览
星期六周围都塞满人，如果唔想同人迫，可以好似我咁去西湾河 西湾河既鲤景湾系岸边开左一片食肆， 不论环境，气氛都甚有渡假FEEL 今次我就黎左呢间专食泰国菜的 MINT & BASIL 当自己去左泰国~XD 呢间半开放式的餐厅，秋凉可以露天而坐, 感受一下迎面的海风 依家仲有少少暑热~所以都系坐番入去成个竹棚既餐厅好D~XD 曾几何时, 呢度都想打造做成一个SOHO 区，加上附近又系豪宅 大家系咪都谂住价钱唔会平？ 咁又错啦㖞~ 睇番D价钱, 同系商场食肆既价钱差无几咋~ 都系几十蚊至百多蚊度一个𩠌~ 款式都分得几细, 由汤，头盘(分埋热，冷盘) 仲有沙律，海鲜，家禽, 粉面, 甜品..... 款式都系大路野，同平时食开的泰菜差唔多 阿囡刚坐下，就送上了一SET 小朋友餐具，氹得阿囡好开心~ 除左食，呢度既饮品都好出色，杯杯都色彩鲜艳，好吸引呀~ 阿囡拣左杯无酒精的 MOCKTAIL , STRAWBERRY DELIGHT (又系士多啤梨~@@) 好大杯呀，58蚊，真系几抵饮~ 士多啤梨沙冰底加入左菠萝同LIME 沙冰好幼顺绵绵，士多啤梨味道唔太浓，亦唔算甜~ 反而饮到LI
西湾河既鲤景湾系岸边开左一片食肆，
不论环境，气氛都甚有渡假FEEL
今次我就黎左呢间专食泰国菜的
MINT & BASIL
当自己去左泰国~XD
呢间半开放式的餐厅，秋凉可以露天而坐, 感受一下迎面的海风依家仲有少少暑热~所以都系坐番入去成个竹棚既餐厅好D~XD
曾几何时, 呢度都想打造做成一个SOHO 区，加上附近又系豪宅
大家系咪都谂住价钱唔会平？
咁又错啦㖞~
睇番D价钱, 同系商场食肆既价钱差无几咋~
都系几十蚊至百多蚊度一个𩠌~
款式都分得几细, 由汤，头盘(分埋热，冷盘) 仲有沙律，海鲜，家禽, 粉面, 甜品.....款式都系大路野，同平时食开的泰菜差唔多
阿囡刚坐下，就送上了一SET 小朋友餐具，氹得阿囡好开心~
除左食，呢度既饮品都好出色，杯杯都色彩鲜艳，好吸引呀~
阿囡拣左杯无酒精的 MOCKTAIL , STRAWBERRY DELIGHT (又系士多啤梨~@@)好大杯呀，58蚊，真系几抵饮~
士多啤梨沙冰底加入左菠萝同LIME沙冰好幼顺绵绵，士多啤梨味道唔太浓，亦唔算甜~ 反而饮到LIME的清香~
饮住呢杯STRAWBERRY DELIGHT, 望住对出海边既日落，真系劲RELAX ~
平时食饭多数都系沙律先，呢度黎个开胃汤先
酸辣椰奶鸡汤
HKD 88
呢个汤几创新，唔再系独沽一味的冬荫公，而系冬荫公加入左椰奶除左有冬荫公的酸辣，亦有很浓的椰汁香味~
汤很足料，基本上半煲都系料
有冬荫公的香料，仲有大量的鸡肉和草菇~
比起平时饮开的冬荫公，呢个好有新鲜感，因为有左椰奶中和，怕辣的妈妈都饮到~
唯一系鸡肉无咩鸡味啰~
因为其他沙律都辣，妈妈拣左呢个~
越式柚子沙律
HKD 68
柚子可能近中秋当造，好鲜甜，一D苦涩味都无~捞左D酸酸的汁, 好开胃清新，食完即刻成个人REFRESH左~
点左阿囡既至爱~
泰式猪颈肉配酸辣汁
HKD 78
一拎上枱，阿囡已经话，好香呀~ 烧过的猪颈肉有一阵BBQ的肉香~最惊喜系猪颈肉一D都无烧干，仲有猪肉的油份系度，感觉真系食紧肉，而唔系食落肉干~
而且每片猪颈肉都有少少爽脆的筋肉边，食起来增加左肉的弹牙感~
跟猪颈肉一齐上的辣汁本黎是我最期待的~
味道嘛，呢个辣汁系调得唔错，
但唔知点解有少少浆浆地感觉，令到加左汁后既口感唔够清爽~
泰式菠萝海鲜炒饭HKD 128
呢个饭实在有够大~肉眼睇有成四碗饭咁多~
鱿鱼都系大大块的~一D都唔失礼~ (最重要系唔韧)蛋系好均匀地布满系每粒饭度~ 粒粒金黄~
略嫌饭粒唔够完整同唔够干~不过整体黎讲系大件夹抵食的~
呢度虽然离地铁站有成15分钟的脚程
但食饱后沿住海边散下步，都系一种生活的趣味~
绝对建议各位黎呢度食个饭，晒下月光拍下拖呀~带埋狗狗黎食都得架~
张贴
