Dirty Skillet

营业中

休息中

咁啱行过西湾河，谂住求其入一间餐厅，点知发现到一个咁大嘅惊喜，超推荐！🫶🏻🫶🏻🥗泰式烧牛肉沙律牛肉烧得啱啱好，外脆内嫩，配埋啲清爽嘅沙律菜，再加上𠮶阵酸辣嘅泰式酱汁，真系一流。🥧疯狅熔岩芝士烟肉洋葱馅批简直系芝士控嘅天堂！用咗半磅车打芝士，咬落去每一啖都系浓郁嘅芝士味，再配埋烟肉同埋甜甜嘅洋葱，口感丰富得嚟又满足。🍝蟹膏蟹肉明太子甲罗烧，龙虾汁意粉呢个意粉真系豪华到爆，蟹膏同蟹肉鲜甜味浓，仲要超级多蟹肉，一啲都唔吝啬。明太子又添咗啲独特嘅咸香，再加上龙虾汁意粉，𠮶阵海鲜味真系无得输。每一啖都充满住浓浓嘅海洋气息，仲要一啲都唔腥，劲鲜劲香。🍰震震下梳乎厘奄列呢个梳乎厘奄列真系好玩又好食，食落去超松软，唔会太腻。震震下嘅感觉真系好有趣，仲要超级大个，三四个人食都好满足。🍍Pineapple Hat呢个饮品好有夏天嘅感觉，新鲜菠萝嘅香甜配埋冰冻嘅雪碧同埋菠萝汁，饮落去清凉又解渴，仲有啲微微嘅气泡感。🍇Fresh Grape & Apple Yogurt Soda真系健康同美味兼备，新鲜提子同苹果嘅果香配埋酸酸甜甜嘅乳酪，口感非常丰富。