家·養份

营业中

休息中

同妈妈去西湾河 lunch，喺OpenRice 见呢间无论喺服务、环境同食物质素都几好评分，所以去试下。结果真系无令我哋失望。地方唔太但好cozy，家庭式装横，有少少日本吃茶店嘅感觉。服务诚恳真挚，唔会怕问多两句烦到人。食物都有惊喜。我哋点咗三文鱼牛油果饭、牛油果蘑菇酸种多士同豆腐mousse蛋糕，配埋斑兰菊花茶同蜜糖菊花茶。前者个三文鱼牛油果饭，份三文鱼系一粒粒煎香咗嘅，牛油果熟透，配埋蛋黄酱同粟米粒，好似冲绳吧塔塔饭，好好捞，好好食。牛油果蘑菇酸种多士亦系正常发挥，加埋沙律菜，好清新，无负担。两款花茶都加左少少蜜糖，唔会过甜，好清香。豆腐mousse蛋糕个样已经好加分，淡淡嘅豆腐味，佢用嘅系甜菊糖，减紧肥都唔怕食。呢间餐厅食嘢，好似去咗朋友屋企咁，好亲切，食物份量轻型，食嘅系食物嘅原味道，唔系靠酱汁吊味。好适合啲想出去食，又唔想太重口味 / 份量太多 / 怕肥嘅人。不过追求浓味/啖啖肉嘅就就未必岩喇。