影片
更多
2010-10-05
274 浏览
本来系去翠升食饭, 但去到见到拉左闸, 门口贴左张红纸, 以为老板有事休息一天, 点知原来系租约期满, 无缘再食, 唯有去隔离舖既明乐.今次系第一次食, 未到中午食饭时间但已经有唔少人食紧, 我同老公揾个卡位坐低, 当日午餐有四款选择, $25送汤同热饮, 老公叫左粟米石班饭, 我就叫左西炒饭, 跟餐都系要西汤, 饮热奶茶.一分钟左右就有两碗罗宋汤上枱, 罗宋汤颜色怪异, 望落就好似将D颜料加落碗热水咁, 饮一啖, 果然, 系一碗沟左少量茄味既水, 仲浮游住一块青椒, 少量椰菜同红萝卜, 唔可以称之为"汤", 极其量只可叫做"杂菜茄味水".老公碟粟米石班饭好快就上枱, 炸鱼同粟米茨汁味道一般, 唔太难食. 再等十分钟, 我碟西炒饭上枱, 我同老公一见到碟饭都O晒嘴, 哩碟系西炒饭? 唔通我地短暂色盲?! 其实碟饭递到我地面前一刹那, 我地一度以为佢炒错左杨州炒饭, 但个侍应明明对我地讲"西炒饭", 所以我地完全唔识反应, 只系呆左望住碟饭几秒, 心知不妙....我地一人各食左一啖, 哗!! 真系难食到唔识形容, 姑勿论佢系西炒饭定系其炒饭, 佢都完全唔似炒出黎, 我形容佢为"配料加
今次系第一次食, 未到中午食饭时间但已经有唔少人食紧, 我同老公揾个卡位坐低, 当日午餐有四款选择, $25送汤同热饮, 老公叫左粟米石班饭, 我就叫左西炒饭, 跟餐都系要西汤, 饮热奶茶.
一分钟左右就有两碗罗宋汤上枱, 罗宋汤颜色怪异, 望落就好似将D颜料加落碗热水咁, 饮一啖, 果然, 系一碗沟左少量茄味既水, 仲浮游住一块青椒, 少量椰菜同红萝卜, 唔可以称之为"汤", 极其量只可叫做"杂菜茄味水".
老公碟粟米石班饭好快就上枱, 炸鱼同粟米茨汁味道一般, 唔太难食. 再等十分钟, 我碟西炒饭上枱, 我同老公一见到碟饭都O晒嘴, 哩碟系西炒饭? 唔通我地短暂色盲?! 其实碟饭递到我地面前一刹那, 我地一度以为佢炒错左杨州炒饭, 但个侍应明明对我地讲"西炒饭", 所以我地完全唔识反应, 只系呆左望住碟饭几秒, 心知不妙....
我地一人各食左一啖, 哗!! 真系难食到唔识形容, 姑勿论佢系西炒饭定系其炒饭, 佢都完全唔似炒出黎, 我形容佢为"配料加白饭兜乱", 碟饭冇味兼毫冇镬气, 我冇夸大, 的确好难食!! 点算呢? 餐饭就咁泡汤? 唯有想办法自救, 老公问侍应攞左支茄汁, 加左三羮落去捞, 试图令D饭较易入口, 捞完见到碟饭颜色似番西炒饭, 谂住应该食得落口, 但结果都系一样: 啃唔落!! 除左多左D茄汁味之外, 碟饭依然系非常难食, 啃左几啖, 最后都冇办法, 啃唔落!
最后饮左杯热奶茶, 奶茶冇乜茶味, 普普通通唔算难饮!
一次好唔愉快既经历: 碗"杂菜茄味水"(罗宋汤)同碟"配料加白饭兜乱"(西炒饮)足以令我地以后唔再踏足呢间餐厅!
张贴