Catch.

营业中

休息中

每日返工都会经过，睇住佢装修，睇住佢开张。今日无带饭，决定嚟哩度一试🍴佢lunch set 有前菜、主菜、甜品同饮品。主菜都几多选择，有14款📜想食得丰富啲，可以加＄80将前菜转成生蚝🦪前菜可以拣汤或者沙律，主菜拣咗fish and chips🐟🍟 想中和下，唔想咁热气，前菜拣咗沙律，系凯撒沙律🥗。份量都唔细架，可惜啲面包粒又硬又un😥可能食惯港式面包脆粒😅饮品叫咗洋甘菊茶，用透明茶壶上，卖相一流🫖到咗主菜时间啦，鱼肉厚身，一啲都唔腥，配薯角。酱汁系沙律酱同青豆蓉酱。初头见佢绿色，以为系牛油果，但食落有有阵青味，即刻睇睇menu，原来系青豆蓉。虽然我都食青豆，不过变成酱之后，就唔系好钟意，而且同个鱼、薯条唔系好夹😅我个人比较钟意厚切粗薯条多过薯角，加上炸得唔脆，整体来讲唔算好高分。甜品系蓝莓芝士蛋糕🫐🍰总括而言，食物味道唔算好出色。相比下，个蓝莓芝士蛋糕系最好味😓价钱唔低，唔算抵食。