Hunger Strike (第三街) (已結業)

系西营盘谂住揾啲轻食，拣咗平时好小机会食到嘅印度墨西哥野，因为见有好多饼嘅选择(tacos, kebab roll, naanizza)。舖头比较细，行入啲有个露天天井可以坐，见今日唔太热就坐咗露天位。要有心理准备环境唔太干净，仲有蚊，但因为佢舖头本身冇开冷气，取舍下都系坐出面。如果佢执翻靓呢个位，凉啲黎食应该都ok 。最后拣咗炸鱼kebab roll餐(连薯条加汽水)佢即叫即整，所以等嘅时间比较耐个卷好大条好扎实，热辣辣，中间炸鱼同配菜嘅比例一半一半佢个菜嘅酱汁系加咗印度香料嘅沙律酱咁，超级香！成个卷酱汁嘅部分几平均，所以食落唔干，鱼亦炸得脆卜卜，唔厚粉。食落就系好有传统印度风味，虽然浓味，但都易入口，食完唔会好口渴果只。套餐配嘅薯条都系即炸，感觉好似shake shake薯条，都系一啲印度香料粉，几好食。