Heart in Place (已結業)

好多时我地都将时间排到密密麻麻，好少将啲时间留比自己~ Heart in Place 系一间位于西环嘅cafe，店主希望黎呢到嘅客人都可以享受独处嘅时光~ 环境布置简约、舒适，可以比客人一个既愉快又放松嘅用餐体验~🥰✅比利时列日窝夫系佢地嘅招牌菜，窝夫加入咗珍珠糖而且系自家制嘅，外层边边脆身而窝夫入面软糯；抹茶味道嘅窝夫亦都好香浓美味~ 呢个可以话系我食过最好食嘅窝夫之一！🤩✅蕃茄虎虾扁意粉面头放咗三只虎虾，睇落摆盘都摆得几唔错~ 扁意粉配上开胃嘅蕃茄酱汁；而虎虾系开边咗嘅，所以啲虾肉都好容易拆到落黎~🤗✅特浓抹茶拿铁面头嘅拉花好靓，劲好打卡；而呢杯matcha latte 好香浓，入面好香嘅抹茶味，但饮落又唔会觉得苦涩~😋