Just Eat (已結業)

今晚拎野过西营盘英华台俾好友，顺便依个晚饭兼聚下。朋友就问，佢屋企楼下开咗间新嘅越南菜，要唔要试下。钟意试新野嘅我，当然无问题啦。Just Eat 店内环境舒适，员工都好友善，服务态度好好，食物嘅定价都好合理。我同好友今晚得两个人食饭，所以都无叫特别多嘢食。泰式生菜包：肉碎系猪肉嚟嘅，调味做得好好，微辣中带一点点柠檬汁既酸味，令人胃口大增。生菜菜都拣咗最靓嘅几块嚟做依度菜，而且相当干净。浓味牛汤浸牛肉河：想知一间越式餐厅做得好唔好，就必定要食生牛河。Just Eat嘅浓味牛汤浸牛肉河做得唔错，牛肉够薄，而且上到台做系红卜卜。汤头牛味都好够，而且唔好盖过生牛肉嘅味道。烧鸡捞檬：点完餐先后睇下OpenRice食评，见到有人话烧鸡偏咸同太干，起初个心都惊惊地唔好食，但一入口发觉一啲都唔似果篇食评讲，烧鸡一啲都唔干，表面烧到脆哂，而肉仲系好嫩滑，而且味道刚刚好。越式冻柠茶：依个冻柠茶唔同之处，就系用咗青柠檬。好好饮。