影片
更多
2022-07-12
430 浏览
屋企摄咗张「兴旺厨房 」嘅传单，两𩠌饭店终于开到嚟西营盘。星期日出完街好攰，加上天气好热🥵，所以就决定去买外卖试吓。店舖摊晒啲𩠌出嚟，选择都几多，卖相算吸引，当中有唔少海鲜🦐，不过好似价钱就另计。但我哋想简单食个快饭，所以嗌普通𩠌就好了。我哋买咗一盒两𩠌饭($36)同一盒净𩠌($48)，包饮品或例汤，价钱大众化🏡。豉椒炒蚬，🐚蚬都有十几只，虽然唔大只，但都算肥美。豉椒味道OK，唔会太咸。椒盐猪扒，🐷猪扒连骨，炒得几入味，椒盐香口，而猪扒肉质亦都唔嚡。烤鸡锤，🍗鸡锤有四只，外层加咗少少蜜糖拎去烤，所以食落甜甜哋。粟米班腩，🐟班腩大大件，炸皮偏厚身，粟米汁适合捞饭，钟意嘅可以试吓叫多汁。总括嚟讲，如果有时候唔想煮饭，两𩠌饭店帮到你，价钱经济实惠，自己买𩠌都差唔多钱啦🏡，而且款式多，总有一款啱食。
屋企摄咗张「兴旺厨房 」嘅传单，两𩠌饭店终于开到嚟西营盘。星期日出完街好攰，加上天气好热🥵，所以就决定去买外卖试吓。
店舖摊晒啲𩠌出嚟，选择都几多，卖相算吸引，当中有唔少海鲜🦐，不过好似价钱就另计。但我哋想简单食个快饭，所以嗌普通𩠌就好了。
我哋买咗一盒两𩠌饭($36)同一盒净𩠌($48)，包饮品或例汤，价钱大众化🏡。
豉椒炒蚬，🐚蚬都有十几只，虽然唔大只，但都算肥美。豉椒味道OK，唔会太咸。
椒盐猪扒，🐷猪扒连骨，炒得几入味，椒盐香口，而猪扒肉质亦都唔嚡。
烤鸡锤，🍗鸡锤有四只，外层加咗少少蜜糖拎去烤，所以食落甜甜哋。
粟米班腩，🐟班腩大大件，炸皮偏厚身，粟米汁适合捞饭，钟意嘅可以试吓叫多汁。
总括嚟讲，如果有时候唔想煮饭，两𩠌饭店帮到你，价钱经济实惠，自己买𩠌都差唔多钱啦🏡，而且款式多，总有一款啱食。
张贴
