神豚 (已易手) 新餐厅

前几日，我个best friend生日，所以就带咗佢去一间拉面店食生日饭。之前上网见到呢间神豚系日本好犀利，今次就系香港开咗分店，选址西营盘，岩哂我地两个西环友！一入去见到个半开放式厨房，铺头细细，好有日本餐厅feel。餐牌嘅选择唔多，因为佢要承传「种类小，质素高」嘅宗旨，我地两个分别拣咗浓厚盐味猪骨拉面同浓厚猪骨拉面。佢呢度嘅拉面有两种面底可以拣，有细面同波纹面。我地一人叫咗一样试下。波纹面好爽而细面又唔会太稔，有质素！我个盐味浓厚汤底就会稠身小小而普通浓厚汤底就会稀小小，两款都唔会好咸，同食嘅时候，汤汁可以挂到上面条上面，认真唔错！加上有三块大大块嘅叉烧，好足料，好食过某某连锁店好多好多！另外，我地仲试下佢嘅小食，炸鸡软骨，炸得啱啱好，唔会太油，几松化，又多，好野！大家快d嚟西营盘试下佢地嘅拉面啦！