影片
更多
2019-09-04
838 浏览
金祥排骨面真系我喺西环数一数二嘅饭堂🍚，全因抵食同好味，就系咁简单！平日我就买外卖多，今日落开街买完嘢见夜夜哋就顺便入去坐底堂食啦。舖头唔大，枱都有少少迫，但都算企理嘅，食店有卡位有圆枱，最有特色系佢用传统中式木嘅枱櫈🚪。如果你睇佢个Menu会见到有N咁多个选择，会比佢吓亲🙈，但其实佢主要都系做𠮶几款𩠌，搭出唔同嘅组合，而面食佢亦都有几款比你拣，另外可再加小食同饮品。我就叫咗菜胆云吞排骨面($43)，🐖炸排骨系胆，必食之选，一人一份唔好同我争please😌。炸排骨系无骨的，啖啖肉，而且炸得超松脆，但又唔系厚粉，劲好食😋，不过今日好似细嚿咗少少。另外我就搭咗菜肉云呑，有3只，每只都超大只，皮厚而且馅料十足👍🏻，但唔知系咪自加制架呢？菜胆今日就系菜芯🥬。而面食方面，可能我今日比较晏去到(成9点)，所以上海粗面、幼面同河粉都卖哂🙈，不过对我嚟讲，完全无问题，因为自从我食过一次粉丝之后就爱上咗，返唔到转头。我贪粉丝冇面咁heavy，而且好索汤。题外话，落少少佢个豆瓣酱落个汤到吊味好正，又唔会太辣🤤。面量超多，所以够饱。朋友就叫咗菜胆牛肉云吞面($43)，佢嘅牛肉🐂系牛𦟌来的，都几好食，但得3片
金祥排骨面真系我喺西环数一数二嘅饭堂🍚，全因抵食同好味，就系咁简单！平日我就买外卖多，今日落开街买完嘢见夜夜哋就顺便入去坐底堂食啦。舖头唔大，枱都有少少迫，但都算企理嘅，食店有卡位有圆枱，最有特色系佢用传统中式木嘅枱櫈🚪。
如果你睇佢个Menu会见到有N咁多个选择，会比佢吓亲🙈，但其实佢主要都系做𠮶几款𩠌，搭出唔同嘅组合，而面食佢亦都有几款比你拣，另外可再加小食同饮品。
我就叫咗菜胆云吞排骨面($43)，🐖炸排骨系胆，必食之选，一人一份唔好同我争please😌。炸排骨系无骨的，啖啖肉，而且炸得超松脆，但又唔系厚粉，劲好食😋，不过今日好似细嚿咗少少。
驰名炸排骨
27 浏览
0 赞好
0 留言
另外我就搭咗菜肉云呑，有3只，每只都超大只，皮厚而且馅料十足👍🏻，但唔知系咪自加制架呢？菜胆今日就系菜芯🥬。而面食方面，可能我今日比较晏去到(成9点)，所以上海粗面、幼面同河粉都卖哂🙈，不过对我嚟讲，完全无问题，因为自从我食过一次粉丝之后就爱上咗，返唔到转头。我贪粉丝冇面咁heavy，而且好索汤。题外话，落少少佢个豆瓣酱落个汤到吊味好正，又唔会太辣🤤。面量超多，所以够饱。
朋友就叫咗菜胆牛肉云吞面($43)，佢嘅牛肉🐂系牛𦟌来的，都几好食，但得3片就好似少咗啲。Btw如果走葱记得预早讲。
另外小食就要咗酥炸云呑🥟(3只)($16)，其实即系炸咗嘅菜肉云呑，而炸咗嘅比起未炸嘅更好食更特别，唔系周围食到，超松脆得嚟又唔油，两边仲炸到成个圈圈咁好得意，配埋佢个锦卤云吞甜酸酱食超正。呢个亦系另一必食之选😋🤟。
酥炸云吞
29 浏览
0 赞好
0 留言
饮品(半价)就要咗一杯酸梅汤($6)同一杯豆浆($6)，两样都冇落冰但系都够哂冰凉，所以唔会淡。不过唔知系咪水尾，所以豆浆🥛有少少渣，同时留意返佢嘅豆浆系无点落糖的。我就钟意酸梅汤多少少，因为较清新同醒胃。
总括嚟讲，食物质素毋庸置疑😎，用心制作(之前入口猪肉有问题，佢哋直头唔开舖)，味道出色，而且非常抵食，两碗面加一样小食同两杯嘢饮都系$110左右。环境就普通街坊小店喇，无乜好fancy。另一令金祥屹立不倒嘅原因就系佢哋嘅人情味，除咗撑香港人🇭🇰外，佢哋对客都超好。例如佢哋准备收舖都会叫客慢慢食(大约9点9 last order)，卖哂上海面又会系咁话唔好意思，我朋友之前落大雨无带遮谂住入去饮杯嘢等细雨啲，店员话唔使啦就直接借咗把遮🌂比佢，劲窝心💓。综合所有原因，我谂唔到有任何理由唔推介呢间位于西营盘水街良心老字号屹立不倒嘅排骨面小店🐷🍜啰👍🏻。
张贴
