芋圓一

营业中

休息中

位于西营盘水街嘅芋圆一， 好受街坊同埋大学嘅学生欢迎。最出名嘅就当然系食台湾芋圆啦。餐厅嘅座位有outdoor同室内， 游完车河再食个糖水就最方便。唔好睇舖仔细细， 原来仲有楼上阁楼。墙壁系手绘嘅图案， 沿著楼梯行上去， 上面嘅阁楼都可以容纳到十几廿人。呢一碗传统仙草芋仙， 有齐三种芋鲜口味： 紫薯、芋头、蕃薯。 色泽抢眼， 味道突出， 咬落嘅口感烟烟韧韧， 非常q弹。另外一边亦加入咗小丸子同埋薏米、红豆、 黑糖珍珠等， 增强咗成碗甜品嘅口感。至于仙草非常滑溜， 清凉解热， 夏天食一流。另外一款系桃胶雪燕窝清心丸， 呢一款系热食甜品， 感觉相当滋润。 桃胶同雪燕晶莹剔透， 养颜又对皮肤好。 清心丸口感独特， 坚韧得黎又带点爽口， 口感同芋圆或者黑珍珠好唔同， 而且唔系太多地方有得食，大爱。另外呢度亦都有芒果糯米糍， 大大粒， 芒果肉厚实， 用料十足， 虽然唔清得上系非常之甜， 但就充满芒果香。 糯米糍嘅外皮够晒烟韧， 如果外层可以再薄啲， 相信更加好味。另外亦叫咗呢一款桂花乌龙冷泡茶。 清新嘅茶香，芳香优雅。 喺食完甜品之后， 再呷一口， 清新又解腻。