芋圓一

营业中

休息中

呢间喺大角咀有名嘅甜品店终于载誉归来，仲要喺屋企附近嘅西营盘重开，二话不说就立马冲去一试。传统仙草芋圆呢度嘅三色芋圆全部新鲜自家制，所以食落嘅口感比出面嘅更烟韧，更有咬口。食得出原材料嘅味道。除咗有三色芋圆之外，仲有好多款嘅配料，好似有仙草、白玉、薏米、红豆、粉菓同埋珍珠。但我太夜去所以珍珠用咗水晶寒天代替。呢碗糖水用料十足，口感味道都好丰富。芒果糯米糍：糯米糍都系呢度嘅特色甜品之一，佢哋只系得星期五六日供应，想食要留意返日子，佢哋有几款口味，分别系朱古力、芒果同埋榴梿。我哋就拣咗芒果，糯米糍做到皮薄馅靓，有大大旧嘅芒果，清甜又多汁，超满足。自家冲制菊花普洱冷泡茶食完甜品好啱饮返枝茶清一清口腔，呢度就有自家制嘅菊花普洱冷泡茶，普洱茶解腻消滞一流，加埋菊花清热，同埋令茶中多添一份菊花嘅清香。