Crispy Bistro (已結業)

我谂住喺西营盘，或者喺hku返学既人应该对呢间餐厅唔会太陌生。餐厅已经开咗一段时间。一直都想嚟支持下，咁啱今日有嘢做要去西营盘，又到下午茶时间，经过就坐低啦，餐厅冇乜人。全店只有一位女店员，本来佢坐紧吧枱位置，我以为佢系食客，估唔到佢乜都食，店员招呼我坐低之后，我order左一个朱古力播放，同埋一杯flat white, 之后店员就开始忙，原来佢乜都识得整，又识冲咖啡，又识整窝夫，仲要几靓🙃杯咖啡比较正路，似系外国豆，性质较酸同浓，味道ok。讲返个窝夫，个摆盘几靓呀，而且都系热辣辣即刻整，配料都系一罐朱古力酱，香蕉加雪糕。基本上系经典组合，特别就唔特别，但系就几抵食。我觉得如果一时间谂唔到要去边度食嘅话，你呢度都唔错，至少有位，店员有礼貌，不过环境就比较外国化，毕竟佢都系一间酒吧。好有打卡feel就唔会，不过冇嘢做坐一个下午都几好。