鳴人燒臘飯店

营业中

休息中

自从「新好景」同「皇后(广合)」受到时代嘅洗礼而结业之后，「鸣人」成为西营盘最后一间堂食烧味饭店。鸣人之所以能够屹立不倒，除了系因为饭店老板娘定期派发爱心饭盒俾有需要嘅人而深受居民爱戴，当然不少了真材实料嘅明炉烧味。「鸣人」最出名嘅其实系乳猪饭同烧鹅饭，不过今日细佬同我都系嗌番我地最钟意嘅三拼烧味饭。一坐低首先嚟嘅经典例汤香喷热辣，非常足料，清咸野味，十分开胃，汤里面有嫩排骨、鸡脚、甘笋等等。然后嚟嘅就系传说中嘅三拼烧味饭，我嗌咗叉烧、烧肉、烧鸭饭，而细佬嗌咗切鸡、烧肉、烧鸭饭。由上图可见，份量少癫，蛋白质含量极之盛大，适合各位大食同做gym嘅朋友仔试试。就算走汁之后都完全唔觉得寡，因为肉量真系太多啦。仲要嘅系，除左多肉，叉烧瘦而不柴；烧肉皮脆多肉；烧鸭香滑细嫩；切鸡实而不韧。食饱之后食埋𠮶两三条菜芯仔，再饮啖例汤清清个口，系一个非常满足嘅星期日午餐。