Noodies (已結業)

最近天气实在太热，日日都酷热天气警告，仲要成35度，妈咪终于顶唔顺，唔煮饭啦，于是我地就落屋企楼下近近地，睇下有咩岩食。我地行咗第一同第二街，再上第三街，比我地发现咗一间细细地嘅面店。Today's special 块大黑板好𥄫睛呀，是日有得意米粉丶秋葵丶麻吉烧丶芝士烟肉圈同香橙薏米水。张order纸有好多种选择，汤底就有猪骨丶冬荫公丶喇沙，而我就拣咗喇沙👍🏼面底有成十一款，有上海白面丶米粉丶油面丶韩面丶粉丝丶越南河丶荞麦面丶马来西亚手工面丶乌东丶日本素面丶昆布面，估唔到一间细细嘅面店，有咁多面拣，食喇沙，马来西亚最正式，所以我就一定拣马来西亚手工面啦！我order咗六款配料，有芝士丶日本腐皮丶手撕鸡丶星星鱼蛋丶墨鱼丸同八爪鱼饼。另外仲有叫咗个春卷小食！首先，喇沙汤底好好味，同我系马来西亚食嘅好似，八爪鱼饼几有咬口，鱼蛋丶墨鱼丸丶日本腐皮丶手撕鸡OK，加埋芝士几夹。个春卷好脆，又够热，值得一试！呢间Noodies，几ok下，大家不妨试试！