熾工房 (已結業)

西環多coffee shop相信大家都知，但系你又知唔知哩度有間高質嘅專賣炸雞漢堡嘅熾工房，價錢抵得嚟味道吾錯，絕對可以當長期飯堂～小店分為室內同室外兩部分，室外氣氛夠chill，室內樓底高，日間來還有充沛自然光，輕鬆relax，岩曬同朋友嚟個速食！而食物新鮮製作，水準一D都吾馬虎！▶️招牌脆雞漢堡餐($78)第一眼已經被個黑色漢堡吸引咗，竹炭麵包入口脆脆地，中間夾住塊厚切炸雞，外脆內嫩，juicy到爆汁，咬咬下，有塊口感酥脆，味道竟然有D似燒腩仔皮嘅野嘅？好好味啊，吃多兩啖，原來系炸芝士嚟，好驚喜，卜卜脆，非常特別！其次，醬汁亦非常出色，酸甜度剛剛好，令炸雞吾會乾柴，而個包又吾會因醬汁而林曬～另外跟餐嘅牛油粟米soooo buttery，大愛~▶️炸洋蔥圈($24)個人覺得個外皮稍硬咗D，但系個蜜糖芥末醬救返佢，食完一啖又一啖～▶️青檸菠蘿梳打($24)哩杯梳打要推介，真・青檸，加上清新嘅菠蘿汁，入口清涼refreshing，好岩盛夏天氣～不得不提店內牆身有色彩鮮豔嘅塗鴉，睇得出店主用心，打卡真系好靚！