熾工房 (已結業)

西环多coffee shop相信大家都知，但系你又知唔知哩度有间高质嘅专卖炸鸡汉堡嘅炽工房，价钱抵得嚟味道吾错，绝对可以当长期饭堂～小店分为室内同室外两部分，室外气氛够chill，室内楼底高，日间来还有充沛自然光，轻松relax，岩晒同朋友嚟个速食！而食物新鲜制作，水准一D都吾马虎！▶️招牌脆鸡汉堡餐($78)第一眼已经被个黑色汉堡吸引咗，竹炭面包入口脆脆地，中间夹住块厚切炸鸡，外脆内嫩，juicy到爆汁，咬咬下，有块口感酥脆，味道竟然有D似烧腩仔皮嘅野嘅？好好味啊，吃多两啖，原来系炸芝士嚟，好惊喜，卜卜脆，非常特别！其次，酱汁亦非常出色，酸甜度刚刚好，令炸鸡吾会干柴，而个包又吾会因酱汁而林晒～另外跟餐嘅牛油粟米soooo buttery，大爱~▶️炸洋葱圈($24)个人觉得个外皮稍硬咗D，但系个蜜糖芥末酱救返佢，食完一啖又一啖～▶️青柠菠萝梳打($24)哩杯梳打要推介，真・青柠，加上清新嘅菠萝汁，入口清凉refreshing，好岩盛夏天气～不得不提店内墙身有色彩鲜艳嘅涂鸦，睇得出店主用心，打卡真系好靓！