影片
2024-03-27
9941 浏览
旧年就到访过「万丽咖啡室」，睇番啲食评，原来刚好一年前嘅事，当时就为通番关嚟食餐好嘅。今次见到餐厅由依家到4月尾做紧西班牙主题自助餐，西班牙一向都颇有特色，加上又做紧啲优惠，所以，同老友嚟叹番吓。眨吓眼又一年，个环境当然无乜点变啦，柔和灯光加宽敞空间，依然予人感觉舒适，所以，整体感觉几舒服。而食物区都喺二字左右排开，集中晌一个范围，唔使左兜右转，亦都比较方便。上文都讲，今次自助餐以「西班牙」为主题，四周嘅墙上都贴有唔少西班牙嘅装饰，而菜式方面就有唔少西班牙特色菜。星期一至四晚计，成人收$808，星期五至日及公众假期成人收$848，另收10%服务费，晌官网网上商店预订有75折优惠。如果想再食平啲，可以考虑自助午餐，同样供应西班牙主题自助餐。冷盘先讲讲冷盘同沙律，就晌食物区嘅头位，选择够多㖞，唔喺一般嘅冻切肉肠、莎乐美肠。有好多款都喺主题菜式，包括西班牙蕃茄冻汤、数款西班牙腌肉肠、一款牛奶芝士及一款羊奶芝士、西班牙沙甸鱼、醋渍鳀鱼、西班牙蕃茄面包、烟三文鱼，仲有啲橄榄呀、酸瓜……等配料。Joselito西班牙火腿而一入门口就见到有侍肉师傅即场将西班牙火腿切片（限星期五、六先即场为客人切片）
眨吓眼又一年，个环境当然无乜点变啦，柔和灯光加宽敞空间，依然予人感觉舒适，所以，整体感觉几舒服。而食物区都喺二字左右排开，集中晌一个范围，唔使左兜右转，亦都比较方便。
上文都讲，今次自助餐以「西班牙」为主题，四周嘅墙上都贴有唔少西班牙嘅装饰，而菜式方面就有唔少西班牙特色菜。星期一至四晚计，成人收$808，星期五至日及公众假期成人收$848，另收10%服务费，晌官网网上商店预订有75折优惠。如果想再食平啲，可以考虑自助午餐，同样供应西班牙主题自助餐。
冷盘先讲讲冷盘同沙律，就晌食物区嘅头位，选择够多㖞，唔喺一般嘅冻切肉肠、莎乐美肠。有好多款都喺主题菜式，包括西班牙蕃茄冻汤、数款西班牙腌肉肠、一款牛奶芝士及一款羊奶芝士、西班牙沙甸鱼、醋渍鳀鱼、西班牙蕃茄面包、烟三文鱼，仲有啲橄榄呀、酸瓜……等配料。
Joselito西班牙火腿而一入门口就见到有侍肉师傅即场将西班牙火腿切片（限星期五、六先即场为客人切片），薄薄一片，仲要砌到好靓仔。唔讲真喺唔知，原来「Joselito」呢个西班牙品牌已有150年历史，单喺呢点，啲火腿理应已够晒质素啦。
Joselito西班牙火腿
87 浏览
0 赞好
0 留言
沙律沙律吧阵容够晒鼎盛呀，4款沙律菜、大大少少近20款配料，如鲜虾、烟肉碎、露笋仔，配以4款自家调制酱汁，唔钟意嘅，可以简简单单淋啲油醋，但我就钟情蜜糖芥末汁同牛油果酱。此外，仲有款预制好沙律，包括意粉沙律、烟鸭胸沙律、蕃茄水牛芝士沙律、烤和牛沙律、海鲜沙律，喺唔想烦嘅懒人之选。
将最心水、最精选嘅沙律同冷盘放埋一齐，造就小弟呢碟超丰富头盘，样样都有啲，够晒多元化，色彩又够缤纷，睇见都已经好醒神。几款主题西班牙食材，果然有质素，尤其啲火腿，唔好见大片白色「肥膏」，出奇地无乜油腻感，反而有阵阵脂香，咸咸哋嘅味道，正呀喂！几款预制好嘅沙律亦都好食，食完胃纳大开。
海鲜食自助餐最回本嘅一定喺啲冰镇海鲜啦，今次所见，就有法国面包蟹、澳洲青口、长蟹脚、翡翠螺同冻海虾，佐以几款酱汁，如鸡尾汁、辣芫荽汁、红酒醋同蜜糖蕃茄汁，都几特别。就目测所见，呢啲回本嘢好抢手，但成晚都见补货甚快，完全无间断供应。
刺身、寿司、卷物就晌近门口，冻海鲜傍，小弟平常比较少晌自助餐度食寿司，因为自助餐所提供嘅一般都喺啲大路货色，但偶尔见到质素高嘅都会试试。今次就见啲帆立贝同八爪鱼好靓，仲有一款炙烧和牛寿司好有兴趣。
冰镇海鲜又喺样样试啲，拎满一大碟，再加埋刺身嘅帆立贝同八爪鱼，做成一份海鲜拼盘咁。每一款都有其独特嘅鲜甜味，面包蟹好多膏㖞，蟹脚咸鲜味十足，虾肉同螺肉又爽，啲帆立贝果然喺刺身级，又大件，柔嫩鲜甜，真喺「鲜」入为主。
老友原来都几钟意刺身、寿司，趁佢拎时我就搭单，再食啲帆立贝同八爪鱼，但重点喺想试件炙烧和牛寿司，的确好正，寿司饭捏得紧致却唔死实，烧和牛既有肉味，又带点油香，正呀喂！
汤品呢度嘅汤品喺亮点，因为佢哋有提供是日炖汤，名称就无讲，但汤内睇得出有好多料，加上上次饮过确喺正，今回就当然翻兜。此外，仲有1中1西嘅「例汤」，前者写住龙虾菜汤，其实似喺加咗龙虾肉嘅碗仔翅咁，后者就喺南瓜忌廉汤。
覇气咁一次过试咗3款汤，包括西班牙蕃茄冻汤、南瓜忌廉汤同炖汤，可谓各有卖点。冻汤好少饮，入口清爽感极强；个南瓜忌廉汤亦都打得好滑溜，满满南瓜香味，等至于个炖汤，绝对喺高质量出品，饮落非常之清润，味道醇和，可以讲喺饮得出真材实料无欺场。
汤品
34 浏览
0 赞好
0 留言
晌自助餐嘅即煮粉面、即煮意大利面……等等，都一律少试，因为太易饱肚，不过，偶有例外，就好似今晚咁，供应嘅喺马来喇沙，仲要配半只龙虾，够晒豪气，又合晒小弟心水，就算易饱肚都想试试，好彩老友都钟意，嗌一客两个人「些牙」。
个喇沙汤底入口真喺唔失礼，比一啲主打卖东南亚菜嘅餐厅所出品唔差得远，香味四溢，而面底可以拣油面或米粉，识食当然梗喺拣掺掺啦，至于只龙虾啲虾肉好爽口，充满鲜甜味，加上成嚿虾肉好易起出嚟，啖啖肉，食得超爽；此外仲有啲豆卜、芽菜同鸡蛋作为配料，制作绝对唔马虎。
即煮粉面
37 浏览
0 赞好
0 留言
另一个「长区」就喺摆放多种热食嘅食物区，晌呢度有好多精彩美食，先讲重点，就喺多款西班牙主题热盘，包括最大亮点嘅西班牙乳猪、西班牙海鲜炒饭，以及西班牙香菇炸丸子、西班牙薯仔蛋饼、西班牙榄油蒜香虾、香烤西班牙肠、香烤猪肉串，净喺呢几样已好精彩，仲有新鲜蒸焗波士顿龙虾。
咖喱、热盘、烤肉
36 浏览
0 赞好
0 留言
西班牙乳猪
29 浏览
0 赞好
0 留言
讲真， 边可能试得晒所有嘢， 所以去到呢个大类都喺重点出击，拣3、5、7款心水嘢嚟试。虽然喺咁，都砌咗成大碟「主菜」，蒸龙虾当然喺以回本心态拎嚟食，不过，啲龙虾好食就值得再回味；而西班牙乳猪非常之脆口，肉质好爽，香菇丸子咬落唔油腻，外脆内软，味道几特别，蒜香虾充满香蒜味，自然惹味十足，西班牙炒饭都做得有水准，至于其他嘅热盘，就都样样拎少少嚟试下。
慢煮牛柳晌热盘类嘅笃笃最尾，仲有一个即做慢煮牛柳嘅档口，点解要特别分开嚟讲呢，因为，师傅会直头好似啲高级餐厅咁做成一道主菜咁，垫上甘笋蓉再配烤青椒，卖相非常精致。的而且确，牛柳入口肉质细致嫩滑，肉味不俗，
而垫底嘅甘笋容 亦都打得柔滑非常，清甜好食。
生果、甜品食得几饱都好，点都要留返10%空间进击甜品嘅，呢度嘅甜品都好有亮点，摆到琳琅满目，尤其今次更加咗数款西班牙主题甜品：西班牙油条、香橙米布甸、圣地牙哥杏仁蛋糕、巴斯克芝士蛋糕，此外，其他款式如朱古力红莓慕丝蛋糕、天使蛋糕、香桃批、焦糖牛油蛋糕、桂花啫喱、意大利芝士饼、红枣雪耳糖水、曲奇、蝴蝶酥、朱古力喷泉、糖果……等等，绝对满足到所有甜魔嘅喜好。
挑战甜品时段就一口气拣咗9款，砌成一大碟甜品大拼盘，老友睇见都觉得我疯狂，唔喺讲笑，小弟坚喺食得晒。好难逐一评价，但整体而言绝对无令人失望，满足晒嗜甜嘅心瘾。而个人最推荐就喺巴斯克芝士蛋糕、朱古力红莓慕丝蛋糕、天使蛋糕、香桃批、意大利芝士饼，真心正呀！
XTC Gelato、即做迷你窝夫XTC呢个品牌嘅雪糕比较少接触，进击完个「甜品拼盘」，真喺差唔多到顶，但点都贪心哋想试埋个窝夫拼雪糕，再搭啲生果。窝夫虽然摊凉咗，但新鲜制作关系，仲好脆口，仲喺绿茶口味添。雪糕就拣咗芒果雪葩、港式奶茶同开心果，个人觉得奶味无咁重，但3款嘅本身味道都好突出。
饮品自助餐本身已包一杯果汁或汽水，然而，晌肉品自助区，就放置两大部咖啡机，有多款意式咖啡供选择，另一边就放有柠檬片、鲜牛奶、数款茶包供自由取用。此外，另加$188 就可以无限畅饮果汁、汽水、精选啤酒、气泡酒及红白酒。
由头食到尾，食吓倾吓，抖吓又再食吓，今日状态唔错，够持久力，所以，真喺食咗唔少嘢，可谓大满足。顺带一提，呢度啲招呼几好，侍应有礼，服务殷勤，收碗碟都好快手，补充食物又足。
题外话/补充资料：
万丽网上商店 : https://bit.ly/3UUGeZW
(以上食记乃用户个人意见 , 并不代表OpenRice之观点。)
查看之前的留言 ()
张贴
