金萊餐廳 (已結業)

今日过铜锣湾行街买啲嘢，一出铜锣湾地铁站C出口发现以前间翠华唔见咗㖞，但就见到一间叫金莱嘅餐厅，见佢门口几靓入面又几干净卫生，见未食晏咪入去试吓啰，跟住问个待应佢哋有乜嘢好食，佢就推介话小菜炒粉炒面烧味都系水准之作可以试吓，当时我心谂乜你答得咁行货㗎，不过算啦，跟住我就咁就叫咗个叉烧饭食念住填饱个肚就去行街，当碟饭上台时，个待应话我知佢哋啲叉烧系用西班牙伊利比亚黑毛猪制成，既然系咁就希望有惊喜啦，点知一入口，嚿叉烧真系又淋又够肉香，真系好好味，虽然都要成70蚊一碟叉烧饭，不过自己上HKTV网上买西班牙伊比利亚黑毛猪都要成400蚊得1公斤，用伊利比亚黑毛猪做叉烧呢个口感同味道真系值得大家一试！