LAVA Bar & Restaurant (已結業)

我好少食西班牙菜, 屋企附近开左间西班牙餐厅, 环境宽敞舒适, 呢晚就同妈妈嚟一试究竟! 第一次食西班牙薯仔奄列, 唔知点为之正宗, 迷你既奄列起码3吋厚, 蛋依然好滑好滑😍火候控制啱啱好! 中间夹住爽脆洋葱丝同咸咸地既肉碎, 咸香惹味, 不过略嫌肉碎咸左啲, 淡返少少就好啦, 而薯仔份量少, 唔多觉佢存在😂西班牙海鲜饭用一个铁锅装住, 够哂气势, 饭粒粒分明, 烟韧带嚼劲, 每粒饭都用海鲜汁包围住, 一啲都唔干, 带少少辣好惹味! 海鲜有细章鱼、蝢、大虾等, 份量大够哂丰富! 而且有鲜味, 好吃!!甜品是分子料理, 新奇有趣! 分子蜂蜜蛋糕份量有啲少, 质感比较干, 我都系钟意正常版多啲。而雪糕就好香滑, 云呢拿味浓郁, 好食到不得了! 西班牙菜系香港唔常见, 呢间餐厅有格调食物有水准, 绝对值得一试。