LAVA Bar & Restaurant (已結業)

太子酒吧㗎呢度不嬲都好多嘢食，估唔到隐藏左一间厨师发板嘅餐厅， HK$388/per head，唔包野饮。第一次食西餐厨师发板， 好surprised，休息娶到摆盘都睇得出厨师好有心思，重点系唔算好贵！⭐️翡翠螺圣子海鲜并盘野食放左系一个木盒上面，入面有色彩缤纷嘅沙石同同埋贝壳，好有沙滩、海洋feel。翡翠螺同圣子都好新鲜。圣子已经切好一粒粒，方便食用。⭐️香煎鳕鱼鳕鱼轻轻一煎，鱼油好香，鱼好滑，加上薯仔汁，更加系画龙点睛。⭐️慢煮牛腩手工包个包同千层腐皮原来都系自己人手整，面包十分软熟。食紧个包嘅时候有好多层口感，首先系好软熟嘅面包，入边包住慢煮左48个钟，好淋好入味嘅牛腩，再加埋腐皮脆卜卜。⭐️西班牙小羊胺羊肉肉质嫩滑，冇乜膻味，摆盘好靓，侧边仲有分子整出嚟嘅橄榄汁。⭐️分子蜂蜜海绵蛋糕无论样貌与质地都像真海绵，好软绵绵，配料有木糠同埋果仁，再加埋雪糕一齐食，层次都好丰富。另外我哋自己都叫咗两杯野饮，尼到bar 冇理由唔饮嘢㗎！总括而言今次体验好惊喜，LAVA 应该系我成条酒吧街最钟意嘅餐厅，一定会再嚟！