La Postre (已結業)

今晚黎左La Postre 食饭， 一开升降机门就见到抢眼既蓝色招牌 未入餐厅内，就已经被它的墙身所吸引。 店铺宁静有格调，环境幽暗，颇适合情侣黎撑枱脚。我黎个时晚上6点半左右，入座率不高。店员安排左我地坐窗口位置，窗口边放左不同大大小小既摆设，好可爱。 窗边既摆设系关于耶稣降生系马槽既故事，博士们看到天上既星星，知道救世主已经降生，于是跟随那颗星星，找到了耶稣，向祂献上黄金、乳香、没药等礼物。 还有其他的摆设，摩天轮，屋仔模型，可见餐厅既用心。 餐桌上仲有一张50欧元既餐纸巾，几可逼真～ 讲番野食先～ 芝士煎蟹饼($168＋10%) 份量不多，大概系我一只手既size，但食得有惊喜。厚实既芝士煎蟹饼上面铺满木鱼碎，热力令木鱼碎不断摆动。 6只既松叶蟹脚好似同我招紧手咁，而家打紧文都好想再食～ 蛋饼一切开，鸡蛋呈半流心，蛋味十足，而且芝士做到拉丝效果，味道带点咸香！ 近写 ！蛋饼入面有薯仔粒，火腿，芝士同少量蟹肉，口感丰富。放耐左，蛋饼会变得实左～热食吸引得多! 芝士龙虾忌廉意粉($168＋10%) 芝士龙虾忌廉意粉，龙虾开边放系意粉上，碟盘边有香料同樱花虾。