Plato Cafe & Bistro (吳松街)

今日喺九龙公园附近练完水就揾食，结果就去试一下呢一间cafe,装修布局都睇得出系应该有一段历史。入到去点咗两个餐，分别系西班牙海鲜饭同埋意大利芝士云吞。两个餐都会附送一个甘笋汤，个汤系几面滑几好饮嘅。先上菜嘅系意大利芝士云吞，因为食落去冇乜特别都冇唔记得影相，纯粹同平时食𠮶啲中式云吞唔同啰，系包住芝士馅料，食落去觉得正正常常又唔系话特别好食，同埋啲云吞绊住啲蕃茄酱酸酸甜甜，不过不失，正常发挥。所以之后对𠮶个西班牙海鲜饭都冇乜期望，但食落呢点知系超出预期，同我之前喺西班牙食嘅系完全唔同，佢唔系𠮶啲黄色饭，我觉得佢仲好食过西班牙当地🤣第一啖饭食落去觉得好香，应该系用咗啲虾汤去会个饭，食到超重虾味，浓浓嘅海鲜味。跟住海鲜部份，有墨鱼青口虾，其实同饭嘅味系完全唔同，啲海鲜就全部系有烤过，有胡椒同埋啲盐佢调味，虾啲肉质都爽甜，虽然调味唔同，但系唔会话同个饭有好大冲突，成件食物我就觉得系各自发挥。同埋可能同个意大利云吞对比比较大，所以可能觉得仲特别好食。所以呢间餐厅我有机会会再帮衬试吓其他嘢