Woods (已結業)

Woods位于亚皆老街、黑布街转角位，相当易揾！坐低后，店员推介生蚝Menu，＄188有半打生蚝同两杯白／红酒。有朋友唔饮得酒，其中一杯仲可以其他饮品。 美国生蚝，新鲜鲜甜，带有浓浓海水味，少许Creamy，闷热天气中作为前菜一流！士多啤利奶昔，冰感重𠮶一款，超解渴呢！白酒煮大蚬 ＄98大蚬每只都好肥美，煮得刚刚熟，好嫩滑，而汤汁亦都好浓郁。意式蕃茄芝士Pizza ＄88经典嘅配搭，已经好好味，厚厚嘅饼底配上蕃茄芝士，拉丝感十足，好好味呀！西班牙海鲜饭 ＄198面头除左有大蚬、虾同蟹柳外，连饭内都带虾、鱿鱼等等，好丰富。饭粒较平时正常食嘅生，米粒应该系混和海鲜汤一齐煮熟，所以每口饭都充满著浓浓既海鲜味。滴上柠檬汁，更加调到味呀！环境充满著木既摆设，连坐紧既櫈都系原块木头，好Raw！