影片
更多
2023-11-17
36 浏览
餐厅：Attic Handmade Pasta (尖沙咀) 地址：尖沙咀金马伦道33号The Cameron1楼101号舖 尖沙咀呢间开咗接近2年、一直都好想去食嘅新派fusion意大利菜餐厅🍴——Attic Handmade Pasta @attic.tst ，最为人熟悉嘅莫过于佢哋每日新鲜手工制造嘅意大利面🤲 行入典雅堂皇、不失气派嘅餐厅，经过门口嘅Coffee and Bar枱，转个弯去到长方形嘅dining area，高楼底同别致嘅装修，枣红色墙身加上水晶灯嘅配搭✨，喺灯光中散发出一丝浪漫嘅氛围💕。坐低冇耐点咗两个晚市套餐，其中必食一定喺餐厅最近新出嘅signature西班牙红虾意粉套餐🍝。隔咗阵店员送上餐包，分别有蕃茄包、法包同燕麦包🥯，香脆热辣辣喺啱啱烘烤出嚟嘅面包香😋 原价$618嘅西班牙红虾套餐🦐，依家优惠价488就食到😍，先嚟前菜「西班牙红虾他他·茴香慕斯」同「火炙西班牙红虾，法国茴香酒忌廉汁」。前者底层喺一个茴香奶冻，中间有用咗法国茴香酒同牛油腌制嘅红虾他他刺身，面头喺用红虾汁整成嘅爆珠，三重唔同口感同鲜虾滋味，配搭新奇有创意👍；后者喺火炙原只西班牙红虾🔥，烧到半生
地址：尖沙咀金马伦道33号The Cameron1楼101号舖
尖沙咀呢间开咗接近2年、一直都好想去食嘅新派fusion意大利菜餐厅🍴——Attic Handmade Pasta @attic.tst ，最为人熟悉嘅莫过于佢哋每日新鲜手工制造嘅意大利面🤲
行入典雅堂皇、不失气派嘅餐厅，经过门口嘅Coffee and Bar枱，
转个弯去到长方形嘅dining area，高楼底同别致嘅装修，
枣红色墙身加上水晶灯嘅配搭✨，喺灯光中散发出一丝浪漫嘅氛围💕。坐低冇耐点咗两个晚市套餐，其中必食一定喺餐厅最近新出嘅signature西班牙红虾意粉套餐🍝。
隔咗阵店员送上餐包，分别有蕃茄包、法包同燕麦包🥯，
香脆热辣辣喺啱啱烘烤出嚟嘅面包香😋 原价$618嘅西班牙红虾套餐🦐，依家优惠价488就食到😍，先嚟前菜「西班牙红虾他他·茴香慕斯」同「火炙西班牙红虾，法国茴香酒忌廉汁」。
前者底层喺一个茴香奶冻，中间有用咗法国茴香酒同牛油腌制嘅红虾他他刺身，
面头喺用红虾汁整成嘅爆珠，三重唔同口感同鲜虾滋味，配搭新奇有创意👍；
后者喺火炙原只西班牙红虾🔥，烧到半生熟，更加突显被誉为世界上最好食嘅红宝石红虾嘅鲜香味浓😎，
配埋虾头汁同法式酱料混合而成嘅自家制酱汁令红虾鲜味更上一层楼 
之后嘅自家制南瓜忌廉汤，当中7-8成都喺南瓜蓉🎃，
另外加咗忌廉、香草🌿、面包糠，浓郁嘅南瓜香同阵阵忌廉香迎嚟奶滑稠绵口感，喺我饮过咁多南瓜忌廉汤当中比较出色嘅😌 
跟住就到招牌西班牙红虾手打扁意粉，
大厨用咗红虾、龙虾🦞、海鲜汁同各式香料烹调意粉嘅酱汁，鲜香味难以抵挡，喺一般虾嘅10倍浓郁鲜味🤩，
加上Al dente有弹性得嚟又有韧度咬口嘅手工扁意粉，嚟到点都要试一次🤓 另一个$488嘅3-Course晚餐，前菜拣咗「香煎法国鹅肝·日式酱油溃溏心蛋黄多士·醋溃青提子·青苹果蓉」，主菜就拣咗「西班牙黑毛猪梅头·芥末香蒜酱·黑蒜榛子慕斯」。
香煎鹅肝配上加咗芥末籽嘅苹果蓉，两者一齐放入口中和咗油腻感，
另外两块香脆多士搽上意大利软芝士🧀、法葱同柠檬汁🍋，配埋日本酱油渍溏心蛋，咁样嘅配搭真喺第一次见，开胃又好食，卖相仲好精致😻；
西班牙伊比利亚黑毛猪梅头🐷，肥瘦均匀，紧致得嚟融和埋一齐，
每啖食落都有半肥瘦嘅肉同脂肪口感，豚脂香味非常出色🤤，
配上芥末籽酱或者黑蒜牛油慕斯同干面包碎一齐食，
突出橡果香味亦大大减少肥腻感觉 
甜品有意式伯爵奶冻，同用半价$39加多咗个意式提拉米苏。
充满伯爵茶香味、一啲都唔腻嘅滑溜奶冻，订位𠮶阵提早注明庆祝节日仲会喺甜品碟上面写埋字✍️，超级靓🥰；
Tiramisu以可可同Mascapone cheese嘅香味为主，
酒香唔会好出完全啱晒我嘅口味🤪
张贴
