影片
更多
2023-05-24
37 浏览
朋友约食饭想揾啲放工后饮吓嘢、又可以食吓小食嘅餐厅，今次俾我揸主意。我第一时间就谂起西班牙菜嘅Tapas，最后决定嚟呢间Tapa Room，朋友表示十分满意！一开lift门，餐厅外嘅灯墙好吸晴、好梦幻，一定要打卡先！餐厅入面嘅霓虹灯食鬼墙、开放式水吧加酒墙，轻快外语歌，增添轻松嘅氛围！Tapas menu上嘅选择接近20款，冷热盘都有，价钱由$48至$98不等！另外Main course, Paella, side order, dessert都有唔少选择！✔️棒棒鹅肝$78呢只鹅肝嘅做法唔似平时煎香，感觉冇咁油腻，入口即溶，好幼滑！✔️黑毛猪火腿 24 个月$98黑毛猪火腿系最佳嘅送酒小食！呢只24个月嘅ham油润甘香、肉质结实，色泽好靓！✔️西班牙薯仔蛋饼$78（另加明太子$10）呢个传统嘅西班牙家常小食，整得唔错，蛋饼外皮煎至焦黄，上面一层厚厚嘅沙律酱，丰富咗蛋饼嘅味道！用刀一切开蛋饼，流心嘅酱汁同薯仔粒一涌而出！✔️薄切慢煮八爪鱼$88橄榄油浸透薄切嘅八爪鱼片，加上上面一大团酸酸尾尾嘅特制酱汁，令到成个菜式好开胃、好清爽！✔️西班牙慢烤乳猪蕃茄锅饭$298西班牙海鲜平锅饭食得多，见到呢度
✔️棒棒鹅肝$78呢只鹅肝嘅做法唔似平时煎香，感觉冇咁油腻，入口即溶，好幼滑！
✔️黑毛猪火腿 24 个月$98
黑毛猪火腿系最佳嘅送酒小食！呢只24个月嘅ham油润甘香、肉质结实，色泽好靓！
✔️西班牙薯仔蛋饼$78（另加明太子$10）
呢个传统嘅西班牙家常小食，整得唔错，蛋饼外皮煎至焦黄，上面一层厚厚嘅沙律酱，丰富咗蛋饼嘅味道！用刀一切开蛋饼，流心嘅酱汁同薯仔粒一涌而出！
✔️薄切慢煮八爪鱼$88
橄榄油浸透薄切嘅八爪鱼片，加上上面一大团酸酸尾尾嘅特制酱汁，令到成个菜式好开胃、好清爽！
✔️西班牙慢烤乳猪蕃茄锅饭$298
西班牙海鲜平锅饭食得多，见到呢度嘅Menu上面有慢烤乳猪平锅饭，未试过，一于试吓！用蕃茄汁煮嘅饭粒充满蕃茄味，令人食欲大增，底层有饭焦，系合格嘅Paella！慢烤方法锁实肉汁，令到肉质较为鲜嫩，外皮好香脆！
✔️RED SANGRIA$48
食西班牙菜点可以唔点传统西班牙饮品？果粒融入酒水当中，感觉清新，甜甜地好易入口，女仔都可以handle到！
✔️VIRGIN SANGRIA$50
唔想饮有酒精成份嘅饮品，呢杯Virgin Sangria啱晒！同样充满果香！
感觉今餐海鲜类如八爪鱼都几新鲜，菜式系好地道嘅西班牙菜，环境唔错，系同朋友饮酒chill chill嘅好去处！
**设加一服务费
张贴
