影片
更多
2023-08-29
1794 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗三个女人一个墟，今次朋友gathering 拣咗呢间西班牙 Tapas 餐厅，5个人试咗劲多款Tapas！Tapas 有分热同冻，热嘅有9款，冻嘅有11款，我哋叫叫吓先发现，已经咗一半menu 上面嘅Tapas😂热 Tapas：🍴西班牙薯仔蛋饼（$78）上面铺满蛋黄酱，有少少邪恶，一切开𠮶吓，原来入面嘅蛋浆超级流心，浓郁蛋味加埋粒粒煮淋嘅薯仔，好香，呢个系排名No. 1 🏆我最钟意嘅 Tapas！不过唔钟意食生蛋嘅朋友仔就未必咁开心啦！🍴太阳蛋西班牙火腿薯条（$68）薯条份量都几多，炸得外脆内软，西班牙火腿比较少，细细粒有丁丁硬，味道唔太咸香，将太阳蛋笃开，薯条包住蛋黄再沾上蛋黄酱系好好味～🍴西班牙小青椒（$68）呢个比想像中份量多，小青椒面放咗盐去烧，唔辣嘅，送酒一流！🍴鹅肝比坚尼三文治（$78）三文治焗得好脆，鹅肝酱比较薄，味道上唔够浓郁～🍴烟红椒蒜辣单骨鸡翼（$68）呢个炸得过咗火少少，肉质比较硬唔够媺滑，paprika 令到鸡翼好惹味！🍴炸黑毛猪火腿球（$78）呢款系我最唔太知道食紧咩嘅 Tapas，外皮炸得好脆，入面系白色好
回头指数 ⭐️⭐️⭐️⭐️
开心指数🤗🤗🤗🤗
三个女人一个墟，今次朋友gathering 拣咗呢间西班牙 Tapas 餐厅，5个人试咗劲多款Tapas！
Tapas 有分热同冻，热嘅有9款，冻嘅有11款，我哋叫叫吓先发现，已经咗一半menu 上面嘅Tapas😂
热 Tapas：
🍴西班牙薯仔蛋饼（$78）
上面铺满蛋黄酱，有少少邪恶，一切开𠮶吓，原来入面嘅蛋浆超级流心，浓郁蛋味加埋粒粒煮淋嘅薯仔，好香，呢个系排名No. 1 🏆我最钟意嘅 Tapas！不过唔钟意食生蛋嘅朋友仔就未必咁开心啦！
西班牙薯仔蛋饼
$78
32 浏览
0 赞好
0 留言
🍴太阳蛋西班牙火腿薯条（$68）
薯条份量都几多，炸得外脆内软，西班牙火腿比较少，细细粒有丁丁硬，味道唔太咸香，将太阳蛋笃开，薯条包住蛋黄再沾上蛋黄酱系好好味～
🍴西班牙小青椒（$68）
呢个比想像中份量多，小青椒面放咗盐去烧，唔辣嘅，送酒一流！
🍴鹅肝比坚尼三文治（$78）
三文治焗得好脆，鹅肝酱比较薄，味道上唔够浓郁～
🍴烟红椒蒜辣单骨鸡翼（$68）
呢个炸得过咗火少少，肉质比较硬唔够媺滑，paprika 令到鸡翼好惹味！
🍴炸黑毛猪火腿球（$78）
呢款系我最唔太知道食紧咩嘅 Tapas，外皮炸得好脆，入面系白色好 creamy 嘅流心，但唔知系咩，带少少咸香～
冻 Tapas：
🍴血橙烧牛柳沙律（$68）
牛柳好juicy，上面有薄脆片，沙律菜够新鲜，血橙够甜，酱汁比较厚身，捞埋啱啱好，呢个好味！
血橙烧牛柳沙律
$68
12 浏览
0 赞好
0 留言
🍴黑毛猪火腿茄子卷（$68）
上面有一块黑毛猪火腿，茄子系一大条卷住，应该系火炙过，入面系沙律菜，味道比较清新！
黑毛猪火腿茄子卷
$68
10 浏览
0 赞好
0 留言
🍴薄切慢煮八爪鱼（$88）
嚟到嘅时候，份量上比预期少，可能佢影相嘅角度问题。八爪鱼切得好薄，非常爽口，上面嘅酱汁应该用番茄同烧咗嘅红椒整，酸酸甜甜，好开胃，不过主要食到酱汁味，八爪鱼系口感上嘅补足～
薄切慢煮八爪鱼
$88
9 浏览
0 赞好
0 留言
🍴鲜甜冻虾配蒜蓉蛋黄酱（$78）
有8只大虾，鲜甜爽口，蒜蓉蛋黄酱都几浓郁蒜香味，同冻虾好夹！
鲜甜冻虾配蒜蓉蛋黄酱
$78
6 浏览
0 赞好
0 留言
🍴红虾浓汁意粉（$148）
上面有3只大虾，menu 上面英文写Linguine，我开头以为系扁意粉，但嚟到见到系圆碌碌嘅意粉，但呢个一D 都唔紧要，因为个意粉真系好好食，红虾味好浓，口感够 Al dente，呢个掂呀👍
红虾浓汁意粉
$148
9 浏览
0 赞好
0 留言
🍴香烤白甜粟（$68）
呢款 side dish 又系邪恶之选，上面有一大条烧过嘅蛋黄酱，加上烟红椒粉同香草，好惹味，白甜粟好清甜，口感比起黄色粟米爽脆，呢个好味！
香烤白甜粟
$68
7 浏览
0 赞好
0 留言
🍴墨鱼汁海鲜锅饭（$168）
上面有6只蚬，鲜甜带海水味，不过个饭系超级咸，好彩每人得2匙，唔系应该系食唔到落去～
🍴甜品拼盘（$108）
有3款甜品，奶冻由巴斯克芝士蛋糕代替，另外有炸西班牙油条， 肉桂多士，巴斯克芝士蛋糕正常，炸西班牙油条个味唔错，好香肉桂味加埋面层有糖同朱古力酱，不过外皮就硬咗少少，肉桂多士都系有少少硬，整个拼盘一般～
🍴Tapa room G & T（Spanish style）（$75/HH）
佢有好多款 Gin & Tonic，我拣咗Pink G&T，佢写有Grapefruit，blood orange 同埋 Angostura bitters ，我开头以为果汁味会比较多，但其实唔太有鲜果味～
🍴Virgin Sangria （$50）
🍴Cucumber Refresher（$58）
呢两款都系朋友饮嘅～
整体上食物质素都唔错，虽然有D 系一般，但大部分都系好食嘅～ 台面比较细，我哋分咗好多转落单，食完几款再叫！餐厅嘅装饰都几特别，经过好sharp 嘅霓虹光管隧道入餐厅，墙上又有食鬼霓虹光管，仲有大大只bear bear 熊！服务质素好好，店员好亲切，我哋叫到后段，店员主动将原本4件嘅黑毛猪火腿茄子卷、香烤白甜粟同埋炸西班牙油条变成5件，等我哋每人有一件仲不另额外收费！我哋又食又饮又倾偈，过咗一晚好开心嘅gathering💓
张贴
