小鍋霸 (Imperial Kennedy) (已結業)

冬天冻冰冰，继上一个post同大家介绍潮汕特色火锅店，今次介绍呢间餐厅如果大家系大胃王🤤或者希望有个空间chill一chill同朋友倾住计咁打边炉😎都绝对要嚟一试👍🏻 一个价钱就可以食足10个钟 唔想食咁耐嘅 7:00之前走仲有八折添（我哋就食足七个钟🫣）汤底🥘汤底方面有15种选择，比较出名嘅系药膳椰子鸡汤同埋台湾养生醉鸡汤。但系我哋今次就拣咗比较传统嘅台湾古早牛肉汤底，汤底几好饮牛肉味都唔错👍🏻肉类🍖肉类方面我哋拣咗Set A，Prime Grade牛肩胛肉及西班牙无激素猪肉片。牛肩胛肉油花都几靓，而且系薄切，食落去几有牛味👍🏻配料🥗配料方便足足有60多种选择，包括自家制肉饺，各种各类流心酱爆肉丸，台湾炸物，各式各样嘅火锅配料同埋蔬菜，选择多到我哋七个钟头都食唔晒所有🤣饮品🥤饮品嘅质素同埋选择绝对系亮点之一👍🏻唔单止有茶餐厅提供嘅港式柠茶奶茶、柠檬可乐七喜。仲有比较特别嘅台式饮品，例如水蜜桃红茶、朱古力说香奶茶等等🤩甜品🍦甜品方面Movenpick雪糕一杯，都有几只口味可以拣。