頑石燒肉所 (已結業)

经过几次「顽石烧肉所」都见到有人排队，我同老公今次就趁早去，终于有位🥰小店大概有二十个座位，楼底高，充满日式设计嘅装修🗻加上J-pop音乐🇯🇵气氛热闹又有特色。餐厅提供好多唔同肉类部位嘅石烧选择，我就拣咗澳洲M9和牛牛肩脊里肉 ($188) 🥩肉质细腻柔软，质地鲜嫩，富有弹性，烧起上嚟牛香噗鼻。套餐（+$38）仲有日式玄米茶🍵蚬肉面豉汤同埋沙律🥗温泉蛋紫菜饭（+$10）饭粒口感柔软绵密，带有细致嘅甜味。温泉蛋🥚蛋黄浓郁而滑顺，混合紫菜与白饭，简单而美味🍚除咗石烧之外，餐厅仲可以转日式关西风寿喜烧锅 (+$38)，老公拣咗澳洲M9和牛侧腹横隔膜($178)🥩肉质腍滑，脂肪质地细致，能够喺口中融化。汤底风味浓郁而清爽🍲能够提升食材嘅鲜美。配菜丰富，有茄子、菇片、翠玉瓜、娃娃菜、金菇、烧豆腐、芋丝等，令料理更加均衡同营养丰富🥬值得一赞嘅系店员亲切有礼，就算非常忙碌，要同时兼顾落单、上菜、拾枱、埋单都好，佢哋都好有效率。我见到有客人挂住倾计，无找钱就走，店员都即刻追出去俾返D钱佢哋！好老实👍🏻到我哋准备离开嘅时候，餐厅都已经坐满晒🈵如果大家想去试的话，记住先订位呀😉