影片
更多
2021-10-31
247 浏览
细细间店面，喺西环半山嘅第一街。条街虽然比较静，但系就有啲似喺日本街头嘅感觉。成间餐厅都系和风嘅设计，有少少居家嘅感觉。我哋分别点左一份晚市一人前同埋一份夕食，另外仲有每日新鲜运到嘅飞机货。「丰」一人前前菜有芥末八爪鱼同埋中华沙律，另外附上味噌汤，汤入边有昆布、菇菌、萝卜等等多种材料。三色刺身分别系牡丹虾、油甘鱼同三文鱼腩，全部都非常新鲜，完全冇鱼腥味。火炙帆立贝黑松露口感十足，黑松露嘅点缀令帆立贝更加滋味。网烧美国安格斯牛肉眼配柚子酱真系值得重点推介，因为份量绝对系超值，而且厨师非常细心切开一件件，生熟度刚刚好，唔会overcooked。迷你火炙鳗鱼饭对女仔来讲都唔迷你，鳗鱼外脆内软，而且酱汁完全冇盖过鱼味。今日嘅甜品系薄荷朱古力雪糕。夕食就点左北海道刺身丼，配料非常丰富，包括：拖罗、油甘鱼、牡丹虾、帆立贝、海胆、三文鱼籽、三文鱼腩，而且每种刺身都有两件，铺满成个丼，真系啖啖刺身，啖啖咁满足。另外餐厅每日都会有新鲜运到嘅飞机货，今次我哋就点左油甘鱼、金目鲷、赤贝同赤贝裙边。油甘鱼特别新鲜，金目鲷另外有轻轻火炙，有少少香烤嘅感觉。赤贝仲可以「一鸡两味」，赤贝裙边做咗卷物，清新可口。餐厅
细细间店面，喺西环半山嘅第一街。条街虽然比较静，但系就有啲似喺日本街头嘅感觉。成间餐厅都系和风嘅设计，有少少居家嘅感觉。
我哋分别点左一份晚市一人前同埋一份夕食，另外仲有每日新鲜运到嘅飞机货。
「丰」一人前
前菜有芥末八爪鱼同埋中华沙律，另外附上味噌汤，汤入边有昆布、菇菌、萝卜等等多种材料。三色刺身分别系牡丹虾、油甘鱼同三文鱼腩，全部都非常新鲜，完全冇鱼腥味。
火炙帆立贝黑松露口感十足，黑松露嘅点缀令帆立贝更加滋味。
网烧美国安格斯牛肉眼配柚子酱真系值得重点推介，因为份量绝对系超值，而且厨师非常细心切开一件件，生熟度刚刚好，唔会overcooked。
迷你火炙鳗鱼饭对女仔来讲都唔迷你，鳗鱼外脆内软，而且酱汁完全冇盖过鱼味。
今日嘅甜品系薄荷朱古力雪糕。
夕食就点左北海道刺身丼，配料非常丰富，包括：拖罗、油甘鱼、牡丹虾、帆立贝、海胆、三文鱼籽、三文鱼腩，而且每种刺身都有两件，铺满成个丼，真系啖啖刺身，啖啖咁满足。
另外餐厅每日都会有新鲜运到嘅飞机货，今次我哋就点左油甘鱼、金目鲷、赤贝同赤贝裙边。油甘鱼特别新鲜，金目鲷另外有轻轻火炙，有少少香烤嘅感觉。赤贝仲可以「一鸡两味」，赤贝裙边做咗卷物，清新可口。
餐厅真系好有日本居酒屋嘅感觉，钟意食日本野嘅朋友不仿试下。
张贴
