HOHON Eatery

营业中

休息中

西环「好汉」小店，舖头细细，得十个位，开放式厨房更加细，可以睇到厨师煮唔停手，每一碟都用心制作。厨房亦好干净，食得好安心。真心呢啲小店好值得我哋支持。*芝士青葱粗管通粉 $106粗管通心粉煮到质感啱啱好，弹牙唔会腍，而且空心可以装住好多汁。芝士汁用三种芝士：水牛芝士、车打芝士、巴马臣芝士，奶香极重，咸香偏少，水牛芝士应该占大部分，表面烧至焦香，令每啖食落唔只系芝士汁，仲有层烟熏味，加埋生葱粒嘅辛辣，完全唔会腻。脆香鸡堡 $106独一无二竹炭薯仔包两边都烘热咗，质感松软之余，带淡淡薯仔味，唔会喧宾夺主。鸡扒用酸奶酪腌制再做成炸衣，软化鸡扒肉质又保持到juicy嘅肉汁。拣咗烟熏口味嘅自家制蛋黄酱，烟熏味浓烈，同炸鸡扒好夹，而且酱汁份量啱啱好，唔会过多令到汉堡好腻，配埋洋葱、酸青瓜、苦苣，以酸味同苦味平衡翻汉堡一定有嘅厚实感。整体来讲味道有层次感，食得出每种食材嘅新鲜同味道。薯条系粗身波浪薯条，个人对呢种薯条有种莫名嘅抗拒，但佢完全改变左我嘅想法。外脆内软，食到最后都唔会腍，薯条带香浓嘅薯仔味，调味亦足够，值得一食再食。