馬來一菜館

营业中

休息中

同旧同事敍旧，几个都住上环西环，于是有人提议这间，不过见到网上评语好坏参半，咁就试下。order 左5样嘢。第一款，肉骨茶，价钱$138。味道都算跟足马来西亚同新加坡，有同样嘅胡椒味及药材味。第二款，马来炸鸡，价钱$108，5件。炸得好差，唔脆，同埋比较干，觉得kfc仲好些。第三款，海南鸡饭，价钱$138。味道又出奇地唔错，鸡肉鲜嫩，油饭都正宗，但系份量比较少。而汤就比较淡。第四款，椰浆饭并盘，价钱$128。鸡同样比较干，椰饭冇椰子味，唔得。第五款，槟城炒贵刁，价钱$128。这个又炒得好正宗，有锅气，同马来西亚味道，不过同样份量好少。总结，真系好坏参半，都唔知系唔系唔同师父煮，而且份量比较少，好似唔想俾人食咁，不如在餐牌上加多些钱，份量俾多些仲好。