串燒堂 (已結業)

宵夜时间喺西环揾食，地胆话去串烧堂就啱晒。炸鸡软骨份量相当多，炸得香脆之余又冇油腻感，真系食唔停口。月头出咗粮，梗系要豪啲叫返客法式鹅肝多士，鹅肝大大件又够厚身，多士烘得香脆，夹住一齐趁热食真系正。三重芝士捞丁嘅芝士味道又有层次，最正嘅就系佢用火枪烧过，芝士酱可以包住每一条面，系我食过最好味嘅捞面。最后就食个甜品，平时自己烧嘢食，啲棉花糖成日烧到着火，嚟呢度食佢哋嘅朱古力棉花糖串，又方便又好味。呢度嘅串烧仲有好多款，下次有机会再嚟试吓其他。