影片
更多
2017-03-13
904 浏览
放左学同同学去西环第三街到揾野食，见到成条街沿途都有好多餐厅，唯独是阿元来了既门口排晒长龙，见到咁多人肯等咁耐去食，就知呢间野唔简单。攞完飞一边等位一边同同学睇住menu拣食咩好，由于我地太肚饿，唔小心叫左好多野食。👉🏻👈🏻 等左大约15-20分钟，终于有得坐低。餐厅既装潢好有台湾风味，加上唔少店员都系台湾人，真系觉得自己好似去左台湾既夜市。一坐低啲野食已经好快黎到。鲁肉饭虽然望落细细碗，但一个人食就啱啱好，唔会有油腻滞感。鲁肉铺满面，每粒鲁肉都切到肥瘦相间，腌得非常入味，拌饭食就同饭既份量恰到好处。每食一啖饭，鲁肉既油脂都溶入饭到，再配上调配得非常惹味又唔会太咸既酱汁，简直一流。食完几啖鲁肉饭再食酸萝卜，口感清新。盐酥鸡系即叫即炸，外层热辣辣，椒盐香口之余唔会太咸。入面既鸡肉口感亦算嫩滑，有足够肉汁，唔会太干或者太老。香菇肉羹既汤比较杰身，入口香浓。惊喜既系肉羹入面既猪肉肉质软棉得黎非常有弹性同有嚼劲，而且猪肉大大粒，份量亦算多，非常饱肚。咁多样野食我最钟意就系佢既刈包。刈包既外皮好似馒头咁，包身蒸得好软熟。入面亦都好足料，有一大块充满住油香既焢肉，肉质软身之余亦非常入味，油脂入口即
攞完飞一边等位一边同同学睇住menu拣食咩好，由于我地太肚饿，唔小心叫左好多野食。👉🏻👈🏻 等左大约15-20分钟，终于有得坐低。餐厅既装潢好有台湾风味，加上唔少店员都系台湾人，真系觉得自己好似去左台湾既夜市。
一坐低啲野食已经好快黎到。鲁肉饭虽然望落细细碗，但一个人食就啱啱好，唔会有油腻滞感。鲁肉铺满面，每粒鲁肉都切到肥瘦相间，腌得非常入味，拌饭食就同饭既份量恰到好处。每食一啖饭，鲁肉既油脂都溶入饭到，再配上调配得非常惹味又唔会太咸既酱汁，简直一流。食完几啖鲁肉饭再食酸萝卜，口感清新。
盐酥鸡系即叫即炸，外层热辣辣，椒盐香口之余唔会太咸。入面既鸡肉口感亦算嫩滑，有足够肉汁，唔会太干或者太老。
香菇肉羹既汤比较杰身，入口香浓。惊喜既系肉羹入面既猪肉肉质软棉得黎非常有弹性同有嚼劲，而且猪肉大大粒，份量亦算多，非常饱肚。
咁多样野食我最钟意就系佢既刈包。刈包既外皮好似馒头咁，包身蒸得好软熟。入面亦都好足料，有一大块充满住油香既焢肉，肉质软身之余亦非常入味，油脂入口即溶，再配上大量酸菜，莞茜同花生酥糖碎增添香味，令到整体口感丰富又有层次。虽然个包咬落又咸又甜，但出奇地毫无违和感，仲非常夹。
蚵仔煎薄身又大份，啱晒一大班朋友share。薯粉比例都算恰到好处，黏稠度适中，唔会太过韧。蚵仔大只既同时份量亦唔少，对于好钟意食蚵仔既我黎讲简直系不得了。🙈可惜整体黎讲味道唔系好够，蛋味比较重，唔算太惹味；另外酱汁亦较淡，始终都系台湾夜市既比较好食。
茉香珍珠奶茶中既奶同茶冲调比例恰到好处，加上淡淡既茉莉花香气，非常清新。珍珠煲得啱啱好，非常弹牙有咬口，亦有好香既黑糖味。值得一赞系饮品既冰度同糖度可以根据个人喜好而选择，唔怕会太多冰或太甜。
奶盖红茶上既奶盖不过不失，份量算多，入口软滑得黎又有咸香。配上红茶一齐饮，令口感更有层次。
九份芋圆非常足料丰富，有地瓜圆、芋圆、珍珠、红豆同南北杏。每粒地瓜圆同芋圆形状大小都不一，口感烟韧，可惜味道唔算突出；珍珠就弹牙有嚼劲。可惜我地点既冰九份芋圆只系汤底加上冰块令佢冷却，冰块融化之后汤底变得非常淡，略嫌唔够甜味。由于太多人等位而且餐厅格局比较细既关系，用餐时间只限三十分钟左右，啱啱好食完就差唔多要交枱。但入到餐厅真系有种置身于台湾夜市既感觉，整体黎讲食物亦都唔错，等咁耐位都系值得既。
总括黎讲我系绝对会再返黎回味一下台湾夜市既地道小食风味。
张贴
