Pop Street (已結業)

好耐冇黎过西环揾野食了，上网睇呢头有好多唔错既特色小店餐厅，今次就揾到呢间pop street。一入到去店面好似好大，但其实餐厅尾墙原来系一块镜，所以一入去望好似好大咁，其实都系得好似二十几个位，不过都坐得舒服既。装潢都算几靓，工业风衬木板，加埋店员话装饰品来自唔同国家，都算配合佢地个主题既。坐低店员介绍Menu，大概话d野食黎至唔同国家，属于多国菜，好似话系细细碟Sharing，但大盘得4个，店员话好快会转menu加多几个大盘今次同我女朋友叫左个秘鲁Ceviche，牛骨髓汉堡，同埋牛扒。先黎个Ceviche鱼生同好多唔同配料，又红又黄又绿咁，好colorful另外跟栗米片，味道都几夹。牛骨髓burger呢个真系黎到一定要食，超多肉汁juices,好耐未食个咁正既burger牛扒skirt steak肉质系几好食，成数都煎到岩岩好跟个阿根廷香草酱味道配合，但跟个烧牛油果我就觉得有d唔夹，可能我唔钟意牛油果挂，我朋友话好好食。环境食物服务都满意