半糖主義 (已易手) 新餐厅

今日同朋友喺西环食完晚饭，食到饱饱地沿住电车路行左去坚离地城呢边，想食个甜品继续坐倾下计，就揾左呢间半糖主义试下😙😙我见个名叫半糖主义，主打稀少糖系列，仲有好多特别款式嘅甜品，例如紫薯waffle，花茶等等，卖相非常吸引, 睇相都流口水!今日我地叫左豆乳拿破仑($68)、伯爵茶炖蛋($50)、玫瑰洛神花草莓花茶($32), 价钱正常，但性价比高。 豆乳拿破仑豆味香浓，甜而不腻，拿破仑饼松脆可口，隔离个雪糕球都好好味， 特别一提佢伴碟嘅糯米丸子煮得恰到好处！伯爵茶炖蛋就好浓嘅奶味，口感好creamy!! 玫瑰洛神花草莓花茶系今晚最令我满意嘅，因为平时饮洛神杀神花茶都觉得过酸，但系可能今次加咗玫瑰同草莓，感觉好清新，食完甜品再饮茶即刻可以消滞。