Just Eat (已結業)

经开西环，又谂唔到食咩，朋友就介绍我嚟呢间越南菜。Menu都shuen多嘢拣，有二人set dinner，主食，头盘等等。头盘有芒果米纸卷，米纸卷包住入面嘅生菜、芒果同配料，非常爽脆，感觉非常清新开胃。主食拣左烧鸡捞檬，烧鸡香脆，有一条条香茅喺上面。生菜青瓜花生粒配料爽口，特别一提个汁好有心机，比较香甜多蒜蓉，同其他越南餐厅唔同味道。浓味牛汤浸牛丸汤檬，牛浓浓郁，牛丸非常香甜，口味特别，有自家制嘅感觉。野饮叫左越南桔仔甘蔗水，非常清甜开胃，成餐都好fresh，会再帮衬。