百味鮮辣蟹專門店 (已結業)

黎到见到门口已经系度排队，好在一早订左位，所以黎到都唔使等，之前约左好耐，所以大家都好期待呢一餐，叫左啲前菜小食，话梅猪手同冻螺，好好味，但唔记得影相。由于我地个个都好钟意饮汤，所以叫左2锅，好正虫草花头炖鸡汤，鸡去左皮，所以唔系好多油，岩晒，成个汤好清澈，鸡味好出，同一般例汤好唔同。菜树菇炖鸡汤，啲个有啲菇味，个味比较浓郁，好香，但我就钟意虫草花个个多啲。主角黎啦，避风塘炒蟹，哗，啲炸蒜香到不得了，忍唔住系咁挟黎食，只蟹好大只，好鲜，已经唔理仪态落晒手了。不嬲都钟意食濑尿虾架啦，见到系推介个度，一于点黎食，由于我地已经叫左一个避风蟹，所以个侍应好好咁问下厨房，帮我地转成黄金，黄金就食得多啦，黄金濑尿虾都系第一次食，出呼意料之外，又几夹几好食㖞，最重要系上枱个阵已经剥左壳，啖啖肉，岩晒我呢啲懒鬼~BBQ 风味猪仔骨，好似猪扒咁，但肥瘦均匀，加埋啲BBQ 酱好惹味，𩠌饭一流。避风塘炒米粉，呢个系食完避风塘炒蟹必食既，将啲蟹既炸蒜攞去炒米粉，好香好惹味。姜葱霸皇鸡，呢个就平凡左啲，但啲鸡唔会过熟，加埋啲葱油，正~食饭一定要有碟菜既，金银蛋西洋菜，个汤好浓好味，加上西洋菜系时菜，效果也不错。