阿Phit泰國菜 (已結業)

落街食开个间泰国野无开，结果去咗对面试吓新嘢。睇一睇个餐牌价钱都算比较平，普通都系50至到70一个菜，我同女朋友两个人叫咗生菜包、串烧、冬阴公虾汤同埋一个海南鸡饭。冬阴公个到我觉得啱啱好嘅，酸辣适中不过感觉上有少少加左辣粉去媾，佢有三只大虾，虾肉弹牙而且好食。串烧啲肉系大嚿既，而且佢个汁好好味非常唔错。海南鸡饭好大碟，而且个肉都比较嫩嘅，油饭都香。生菜包亦都炒得好好食，好香有少少洋葱食落去多汁好味。不过佢呢度就坐得唔系好舒服，两个人比较逼，由于坐咗喺中间位置嘅问题其他枱嘅客人如果要走我哋就要企起身让路，真系几唔方便，下次会选择外卖。