享慢煮泰 (已結業)

西环泰式fusion菜餐厅 — 享慢煮泰呢间位于西环坚尼地城嘅泰式fusion菜餐厅，主打慢煮料理，呢度嘅环境够晒阔落，再加上窗口落地大玻璃真系好chill🤩见到餐厅开业以来攞过好多奖，最近佢哋嘅分店喺OpenRice 入选最优秀法国菜餐厅开饭热店～见到佢哋而家仲有礼物可以换🎁如果食客投餐厅一票，再向店员显示纪录，就可以获得餐厅用心制作嘅神秘精美礼物一份～而且厨师系以少调味、少油黎炮制菜式，可以保留食材嘅原汁原味🐮玛莎文咖喱和牛面颊($168)咖喱汁好惹味，味道系偏甜嘅，食落完全唔会辣，牛面肉炆得好软腍，而且牛肉份量多，仲配上白饭，可以捞埋一齐𩠌饭好正！🥐龙虾汤流心牛角包($58)系店内嘅系人气食品，一切开龙虾汤香味慢慢流出，汤再渗入牛角包，好似食紧平时𠮶啲酥皮汤咁！🍮法式焦糖炖蛋 ($68)整得好滑溜😍！🍚白松露流心蛋意大利饭配烤菜花($138)味道较清淡，但口感好丰富，而且充满酱汁，入口好湿润。🦀蟹肉流心蛋龙虾汁烩饭 ($168)成碟都系蟹肉！面头加上翠玉瓜、带子、流心蛋、炸蒜，真系好足料！🍹提拉米苏芝味特饮($44)即系芝士奶盖咖啡特饮，好似饮得嘅特浓咖啡版tiramisu咁