Cafe Siam (科士街) (已結業)

Item: Cafe Siam (科士街)
Rating: 5
Author: torres_arso

143 食记

味道

环境

服务

卫生

抵食

4913

西环

$101-200

泰国菜

torres_arso

等级3

今日因工作关系到西环一趟，决定食完午餐才返办公室，系地铁站口一出已经有好多间餐厅，各式各样的餐厅临立，净系选择菜式都令我头都大埋。路过见到呢间菜色不错，环境同座位都舒适阔落，就试左个二人餐，包括两项前菜及两项主食。除左二人餐，好似WEEKDAY有大概$9X既一人午餐选择，不过就不包括前菜。前菜分别选了大虾冬阴公汤及烧猪颈肉，冬阴功汤非常好饮，汤底见到一大堆香料，咁足料都好难会难饮，正宗泰国风味，如果钟意饮冬阴功真系唔好错过。由于我地系叫二人餐，分量都够一人两至三碗，另外大虾都系用泰式大头虾，虾肉肉质爽口弹牙，feel到呢到冬阴功汤真系有好比心机做。至于烧猪颈肉，我地唔知正常分量系点，虽然新鲜出炉非常好食，但二人餐既量系如图，刚刚好两人分享，不过我地大胃王本色...见到肉量唔多就怕唔够饱叫多个蛋包炒金边粉。怕唔够饱既原因系我同事以为够食系叫主菜时要左个炒马拉盏，结果捉虫。原来每个主菜都配饭，搞到要食两碗饭加埋个炒粉，最后我地两条友都食哂。鸡肉青咖哩既咖哩汁真系一流，充满椰汁香气又够辣，仲有好多蔬菜做配菜（仲用埋泰国茄子），完全唔似出面D泰国餐厅HEA整，非常好食。炒马拉盏就系正常菜色，另

今日因工作关系到西环一趟，决定食完午餐才返办公室，系地铁站口一出已经有好多间餐厅，各式各样的餐厅临立，净系选择菜式都令我头都大埋。路过见到呢间菜色不错，环境同座位都舒适阔落，就试左个二人餐，包括两项前菜及两项主食。除左二人餐，好似WEEKDAY有大概$9X既一人午餐选择，不过就不包括前菜。
前菜分别选了大虾冬阴公汤及烧猪颈肉，冬阴功汤非常好饮，汤底见到一大堆香料，咁足料都好难会难饮，正宗泰国风味，如果钟意饮冬阴功真系唔好错过。由于我地系叫二人餐，分量都够一人两至三碗，另外大虾都系用泰式大头虾，虾肉肉质爽口弹牙，feel到呢到冬阴功汤真系有好比心机做。至于烧猪颈肉，我地唔知正常分量系点，虽然新鲜出炉非常好食，但二人餐既量系如图，刚刚好两人分享，不过我地大胃王本色...见到肉量唔多就怕唔够饱叫多个蛋包炒金边粉。

怕唔够饱既原因系我同事以为够食系叫主菜时要左个炒马拉盏，结果捉虫。原来每个主菜都配饭，搞到要食两碗饭加埋个炒粉，最后我地两条友都食哂。鸡肉青咖哩既咖哩汁真系一流，充满椰汁香气又够辣，仲有好多蔬菜做配菜（仲用埋泰国茄子），完全唔似出面D泰国餐厅HEA整，非常好食。炒马拉盏就系正常菜色，另外个蛋包炒金边粉亦好好食，我边食仲边同同事分享，早轮系外面食到既炒金边好似用大量茄汁炒咁，茄汁呼盖过佢本身应有味记。呢到既炒金边真系做得好出色，个蛋亦有花臣整成网状，又几IGABLE。

最后食完饭想饮个野，唔知有冇睇错，呢到水应该收$8蚊，所以都系叫个野饮抵D。叫左杯MANGO MANGO既沙冰，有位哥仔即席系BAR台整比我，又唔觉意发意佢BAR台都装修得几靓。可惜今日一阵仲要返工，无得慢慢叹杯野，饮完都要急急脚埋单走人。虽然唔小心食多左又食贵左，不过下次想食泰菜都会谂到呢间，绝对会有下次。