FIKAFABRIKEN

营业中

休息中

讲起瑞典菜，我净系会谂到I记，估唔到原来西营盘都有一间主打瑞典风味嘅餐厅。前排去开西营盘，就决定同朋友试一试。Fika全日早餐，瑞典式嘅全日早餐当然唔少得有瑞典肉丸同薯蓉，薯蓉仲用咗有果肉嘅红莓酱做调味，甜而不腻。烘多士外脆内软，仲好香牛油味。仲有炒蛋、沙律、牛油果、同烟三文鱼，健康又丰富。饮品我拣咗Pistachio latte，好香开心果味，未饮已经闻到，入口亦好香滑。马赛鱼汤海鲜扁意粉，有鱿鱼、虾、蚬肉、蟹肉同埋蕃茄仔，海鲜汤非常高质，用咗咁多海鲜令汤嘅味道好鲜甜好浓郁，淡淡嘅蕃茄味又唔会太抢。扁意粉吸晒啲汤，再加埋黑椒同香草调味，非常惹味。热朱古力，甜到适中，好啱我口味。