串燒堂 (已結業)

•西环串烧堂•西环新开左间串烧店叫串烧堂，放工同同事去试吓，平日晚上都好爆场，外卖机不停响，所以都几期待佢既食物质素。试左烧鲍鱼同鱿鱼，火喉拿捏得岩岩好，一啲都唔un又唔腥, 仲好滑嫩多汁，配埋特制酱汁，惹味到不得了。另外叫左烧猪颈肉，鸡软骨鸡肾半打双并，羊肉串同牛肉串。肉类方面同样出色，无一款系「鞋烚烚」既，全部都整得好入味，鸡肾好多地方都容易烧到硬实实，但呢间就竟然烧得好软弹，非常不错。店舖好整洁光猛，就算好夜到都好多人，眼见好多大学生同情侣光顾，同时又好多外卖员取外卖，店员都应付自如，上碟速度好迅速，夜游坚尼地城可以黎呢间餐厅试吓。